Բադալ Մուրադյան

Բադալ Մուրադյան;
Ծնվել է	հունվարի 8, 1915
Ծննդավայր	Վարդանաշեն, Էջմիածնի գավառ, Երևանի նահանգ, Կովկասի փոխարքայություն, Ռուսական կայսրություն
Մահացել է	սեպտեմբերի 30, 1991 (76 տարեկան)
Մահվան վայր	Երևան, Հայաստան
Կրթություն	Հայաստանի ազգային պոլիտեխնիկական համալսարան
Մասնագիտություն	քաղաքական գործիչ
Զբաղեցրած պաշտոններ	ԽՍՀՄ գերագույն խորհրդի պատգամավոր
Կուսակցություն	ԽՄԿԿ
Պարգևներ և ; մրցանակներ

Բադալ Հմայակի Մուրադյան (հունվարի 8, 1915(1915-01-08), Վարդանաշեն, Էջմիածնի գավառ, Երևանի նահանգ, Կովկասի փոխարքայություն, Ռուսական կայսրություն - սեպտեմբերի 30, 1991(1991-09-30), Երևան, Հայաստան), խորհրդային կուսակցական և պետական աշխատող։ ԽՄԿԿ անդամ 1951 թվականից։

Կենսագրություն[խմբագրել | խմբագրել կոդը]

Բադալ Մուրադյանը ծնվել է 1915 թվականին ՀԽՍՀ Հոկտեմբերյանի շրջանի Չիբուխչի (այժմ՝ Վարդաշեն) գյուղում։ Ավարտել է Երևանի պոլիտեխնիկական ինստիտուտը։ 1949-1955 թվականներին աշխատել է Երևանի Կիրովի անվան քիմիական գործարանում (հերթափոխի պետ, բաժանմունքի պետ, արտադրամասի պետ, կուսակցական կոմիտեի առաջին քարտուղար)։ 1955 թվականի դեկտեմբերից՝ ՀԿԿ Երևանի Լենինյան շրջկոմի առաջին քարտուղար^[1]։ 1957-1961 թվականներին եղել է Կիրովի անվան գործարանի տնօրենը, 1961-1966 թվականներին՝ ՀԿԿ Երևանի քաղկոմի առաջին քարտուղարը։ 1966-1972 թվականին Մուրադյանն ՀՍՍՀ նախարարների խորհրդի նախագահն էր, 1976-1981 թվականներին 4 «Նաիրիտ» գիտա-արտադրական միավորման գլխավոր տնօրենը։ 1981 թվականից ՀՍՍՀ պետպլանի նախագահի տեղակալն է։ Եղել է ՍՄԿԿ կենտկոմի անդամության թեկնածու (1966-1976), ՀԿԿ ԿԿ բյուրոյի անդամ (1961-1972), ԽՄԿԿ 22-24-րդ համագումարների պատգամավոր և ՍՍՀՄ 6-7-րդ գումարումների գերագույն սովետի դեպուտատ^[2]։

Բադալ Մուրադյանի հուշատախտակը Երևանի Մոսկովյան փողոցում

Պարգևներ[խմբագրել | խմբագրել կոդը]

Պարգևատրվել է Լենինի շքանշանով։

Հիշատակ[խմբագրել | խմբագրել կոդը]

Բադալ Մուրադյանի անունով փողոց կա Երևանի Նոր Նորք վարչական շրջանում։
Բադալ Մուրադյանի հուշատախտակը գտնվում է Երևանի Մոսկովյան փողոցում, այն շենքի դիմաց, որտեղ ապրել է հասարակական գործիչը։

Գրականություն[խմբագրել | խմբագրել կոդը]

«Գարուն» ամսագրին պատասխանում է Հանրապետության Մինիստրների Սովետի նախագահը։ «Գարուն», 1967, № 1։

Ծանոթագրություններ[խմբագրել | խմբագրել կոդը]

↑ «Պատմական ակնարկ - Նախկին վարչապետեր - Հայաստանի Կառավարություն»։ gov.am։ Վերցված է 2017-04-26
↑ «Բադալ Մուրադյան. մոռացված մեծություն»։ hraparak.am։ Վերցված է 2017-04-26

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 94)։

[1] «Պատմական ակնարկ - Նախկին վարչապետեր - Հայաստանի Կառավարություն»։ gov.am։ Վերցված է 2017-04-26

[2] «Բադալ Մուրադյան. մոռացված մեծություն»։ hraparak.am։ Վերցված է 2017-04-26

[1]

[2]