Մայիսի 17

Մայիսի 7, տարվա 137-րդ (նահանջ տարիներին՝ 138-րդ) օրն է։

• Տարվա ավարտին մնում է 228 օր։

Դեպքեր

• 352 - Լիբերիոսը դառնում է Հռոմի պապ (մինչև՝ 366 թ․)։
• 1395 - ձիավարության վթարի հետևանքով մահանում է Հունգարիայի իշխող թագուհի Մարիան` թողնելով գահը իր ամուսնուն` Սիգիզմունդ Լյուքսեմբուրգցուն։
• 1639 - Իրաքի սահմանագլխին գտնվող Զեհաբ կամ Զոհաբ գյուղի մոտ Թուրքիայի և Պարսկաստանի միջև կնքվում է հաշտության պայմանագիր, որով ավարտվում են թուրք-պարսկական երկարատև պատերազմները։
• 1642 - հիմնվեց կանադական Մոնրեալ քաղաքը։
• 1718 - անգլիացի իրավաբան Ջեյմս Պակլը արտոնագրեց աշխարհում առաջին գնդացիրը։
• 1814 - կարճ ժամանակով անկախացած Նորվեգիայում ընդունվում է ներկայումս գործող սահմանադրությունը։
• 1858 - Մատթեոս Ա Կոստանդնուպոլսեցին ընտրվեց Ամենայն հայոց կաթողիկոս։
• 1890 - Հռոմում տեղի ունեցավ Պիետրո Մասկանիի Գեղջկական ասպետություն օպերայի պրեմիերան։
• 1916 - Մեծ Բրիտանիան առաջին պետությունը դարձավ, որն անցավ ամառային ժամանակի։
• 1978 - Շվեյցարիայում Չառլի Չապլինի մարմինը երկրորդ անգամ հուղարկավորեցին մոտ 2 մ հաստությամբ բետոնի տակ

Ծնունդներ

• 1895 - Սմբատ Դանիելյան, հայ զինվորական գործիչ, գվարդիայի գնդապետ (1940), դիվիզիայի հրամանատար։
• 1899 - Անիտա Կոնտի (Կարագոշյան), ազգությամբ հայ, ֆրանսիացի բնախույզ, առաջին կին օվկիանոսագետը։
• 1904 - Ժան Գաբեն, ֆրանսիացի թատրոնի և կինոյի հայտնի դերասան, Պատվավոր լեգեոնի շքանշանակիր։
• 1917 - Անդրանիկ Մանուկյան, Խորհրդային Միության հերոս (փետրվարի 27, 1945), գվարդիայի կապիտան։
• 1946 - Գալինա Ստարավոյտովա, ռուս քաղաքական և պետական գործիչ, իրավապաշտպան։
• 1979 - Արմեն Օհանյան (արձակագիր), հայ արձակագիր, հրապարակախոս։
• 1991 - Քրիստինե Մանգասարյան, հայ ֆուտբոլիստ։

Մահեր

• 1910 - Դիմիտրի Պուտնիկովիչ, սերբ մանկավարժ, գրող։
• 1966 - Վահրամ Ալազան, հայ բանաստեղծ, արձակագիր, գրական-հասարակական գործիչ։
• 1978 - Արմին Վեգներ, գերմանացի գրող, մարդասեր։
• 2010 - Մուխրան Մաճավարիանի, վրացի բանաստեղծ։