Ագարակ (քաղաք)

Անվան այլ կիրառումների համար տե՛ս՝ Ագարակ (այլ կիրառումներ)

Քաղաք
Երկիր	Հայաստան
Մարզ	ՍյունիքՍյունիք
Քաղաքապետ	Արարատ Թումանյան
Հիմնադրված է	1949 թ.
Մակերես	6±1 կմ²
ԲԾՄ	650 մետր
Պաշտոնական լեզու	հայերեն
Բնակչություն	▼4300 մարդ (2015)
Ազգային կազմ	հայեր
Տեղաբնականուն	ագարակցի
Ժամային գոտի	UTC+4
Հեռախոսային կոդ	286
Փոստային դասիչ	3403
Ագարակ Վիքիպահեստում

Ագարակ ( արտասանություն), փոքր արդյունաբերական քաղաք Հայաստանի Սյունիքի մարզի հարավարևմտյան մասում, ծովի մակերևույթից 650 մ բարձրության վրա։ Իրանի հետ սահմանից 2-3 կիլոմետր դեպի հյուսիս-արևմուտք է՝ Արաքս գետի ձախ ափին մարզկենտրոնից 80 կմ հարավ-արևմուտք։

Մշտական բնակչությունը 2015 թվականի դրությամբ կազմել է 4300 մարդ, որի գերակշռող մեծամասնությունը աշխատում է «Ագարակի պղնձամոլիբդենային կոմբինատ» ՓԲԸ-ում և նրան սպասարկող մանր հիմնարկ-ձեռնարկություններում։ Քաղաքը հիմնադրվել է 1949 թ., որպես բանվորական ավան։ Ագարակի հիմնադրումը կապված է այս տարածքում օգտակար հանածոների հայտնաբերման և մշակման հետ։

Պատմություն

Քաղաքը հիմնադրվել է 1949 թ.՝ պղնձամոլիբդենային հանքավայրի պաշարների շահագործումն իրականացնելու ակնկալիքով։ Նույն թվականի գարնանը Արաքս գետի ձախ ափին կառուցվեց առաջին փայտյա տնակը և այդ ժամանակվանից սկսվեց կոմբինատին կից ավանի կառուցումը, որը ՀԽՍՀ Գերագույն խորհրդի նախագահության 1954 թվականի մայիսի 18-ի հրամանագրով դասվեց ՀԽՍՀ քաղաքատիպ ավանների շարքը։

Քաղաքի կարգավիճակ է ստացել 1990-ական թվականներին։

Աշխարհագրություն

Ագարակը Իրանի տարածքից

Ագարակը Սյունիքի մարզի և Հայաստանի ամենահարավային քաղաքն է, որը երեք կողմից շրջապատված է բարձրաբերձ լեռներով, իսկ մի կողմում սահմանային Արաքս գետն է։ Բնական այս դիրքին լրացնելու են գալիս քաղաքական-աշխարհագրական, տնտեսա-աշխարհագրական և տրանսպորտային դիրքերը։

Ագարակ քաղաքը միաժամանակ սահմանակից է երկու պետական միավորների՝ Իրանի] և Նախիջևանի Ինքնավար Հանրապետությանը։

Ագարակով են անցնում Հայաստան Իրան միջպետական ճանապարհը և էլէկտրահաղորդման բարձրավոլտ գծերը, Երևան-Նախիջևան-Բաքու ներկայումս չգործող երկաթգիծը և ավտոճանապարհը։

Հասարակական կառույցներ

• Ագարակի արվեստի մանկական դպրոց
• Ագարակի մշակույթի պալատ

Բնակչություն

Տարի	Բնակչություն
1972	3800 մարդ
1979	4073 մարդ
2001	4801 մարդ
2009	4872 մարդ
2010	4881 մարդ
2011	4908 մարդ
2012	4929 մարդ
2013	4443 մարդ
2014	4386 մարդ
2015	4300 մարդ

Քույր քաղաքներ

• Սոլիգորսկ, Բելառուս

Տես նաև

• Ագարակ քաղաքի պատմության և մշակույթի անշարժ հուշարձանների ցանկ (Սյունիքի մարզ)
• Ագարակի պղինձ-մոլիբդենային հանքավայր
• Ագարակի մենաստան