Բարձրավան

Գյուղ
	ռուս.՝ Ерицатумб
	Բարձրավանի համայնապատկերը
Երկիր	Հայաստան
Մարզ	Սյունիքի
Գյուղապետ	Օնիկ Ավագյան
Այլ անվանումներ	Քյուրդիկ, Երիցաթումբ
Մակերես	10,15 կմ²
ԲԾՄ	1500 մետր
Պաշտոնական լեզու	հայերեն
Բնակչություն	▼146 մարդ (2011)
Ազգային կազմ	Հայեր
Ժամային գոտի	UTC+4
	Բարձրավան Վիքիպահեստում

Բարձրավան, գյուղ Հայաստանի Սյունիքի մարզում, մարզկենտրոնից 57 կմ հյուսիս, Որոտան գետի բարձրադիր աջափնյակում, գեղատեսիլ սարավանդի վրա։ Բարձրությունը ծովի մակարդակից մոտ 1500-1520 մ է, հեռավորությունը մարզկենտրոնից 57 կմ հս., hեռավորությունը Գորիս քաղաքից՝ 33 կմ։

Մինչև 1931 թվականի Զանգեզուրի երկրաշարժը գյուղը գտնվում էր Որոտանի աջ զառիվեր կողին։ Երկրաշարժի հետևանքով գյուղն ավերվել է (զոհվել է 49 մարդ) և նորը կառուցվել է սարավանդի վրա։

Երիցաթումբ անունով ընդգրկված է եղել Արևելյան Հայաստանի Ելիզավետպոլի նահանգի Զանգեզուրի գավառում^[2]։

Բարձրավան է վերանվանվել 1940 թվականին։

Բնակչություն[խմբագրել | խմբագրել կոդը]

Նախնիների մի մասը 1866 թ. այստեղ են եկել Շինուհայրից։

Ըստ Ազգային վիճակագրական ծառայության 2011 թվականին կատարած մարդահամարի տվյալների գյուղի մշտական բնակչությունը կազմում է 146 մարդ, առկա բնակչությունը` 105 մարդ ^[3]։

Բարձրավանի ազգաբնակչության փոփոխությունը.^[4]

Տարի	Բնակչություն
1873	166 մարդ	^[5]
1897	244 մարդ	^[6]
1926	349 մարդ	^[6]
1939	406 մարդ	^[6]
1959	299 մարդ	^[6]
1970	218 մարդ	^[6]
1979	144 մարդ	^[6]
1989	162 մարդ	^[6]
2001	168 մարդ	^[6]
2011	146 մարդ	^[1]

Տնտեսություն[խմբագրել | խմբագրել կոդը]

Բնակչությունը զբաղվում է անասնապահությամբ, դաշտավարությամբ, այգեգործությամբ և բանջարաբուծությամբ։

Պատմամշակութային կառույցներ[խմբագրել | խմբագրել կոդը]

Բարձրավանում և շրջակայքում կան հին գյուղատեղիներ։

Գյուղի տարածքում են գտնվում Ս. Հռիփսիմե (վերականգնված XIX դարում), «Քրատակի սուրբ Մինաս» (կառուցված 1821 թ.) եկեղեցիները, «Բղենո-Նորավանքի» հուշարձանների համալիրը (939 թ.), Պաշարաջուր և Մաճ կոչված հին գյուղատեղիները։