Տաշտուն,
գյուղ Հայաստանի ՀանրապետությանՍյունիքի մարզի Մեղրու տարածաշրջանում, Մեղրի քաղաքից մոտ 19-20 կմ հյուսիս-արևմուտք, Տաշտուն գետի հովտում, ծովի մակարդակից 1900-2000 մ բարձրության վրա։ Հեռավորությունը Կապան մարզկենտրոնից ճանապարհով կազմում է մոտ 55 կմ։
Ստեփանոս Օրբելյանի վկայությամբ Տաշտունը հիշատակվում է Տաթևի վանքին պատկանող (X դար) գյուղերի ցուցակում։ Ուշ միջնադարում Տաշտունը եղել է գրչության կենտրոն։ Տաշտուն է անվանվել (Դաշտոն ձևով) նաև Սյունիք նահանգի Արևիք գավառի մի մասը։ Գյուղում պահպանվել է քառամույթ գնբեթավոր բազիլիկ Սբ. Ստեփանոս եկեղեցին (XVII դար)։ Շրջակայքում կան գյուղատեղիներ (Ռոմելանց, Քյիլդիզանց, XIV—XVII դդ.), խաչքարերով գերեզմանոցներ։
Ըստ ՀՀ 2011 թ. մարդահամարի արդյունքների` Տաշտունի մշտական բնակչությունը կազմել է 104 մարդ[1]։ Գյուղը բնակեցված է եղել հայերով[3][4], բնակչության փոփոխությունը ժամանակի ընթացքում` ստորև[3][4].
Անվան այլ կիրառումների համար տե՛ս՝ Տաշտուն (այլ կիրառումներ)
Հայաստան
Հայ Առաքելական եկեղեցի
