Շիկահող

Անվան այլ կիրառումների համար տե՛ս՝ Շիկահող (այլ կիրառումներ)

Գյուղ
Շիկահող
Երկիր	Հայաստան
Մարզ	ՍյունիքիՍյունիքի մարզ
Շրջան	Կապանի շրջան
Գյուղապետ	Նարե Ղազարյան
Մակերես	18.95 կմ²
ԲԾՄ	980 մ
Պաշտոնական լեզու	Հայերեն
Բնակչություն	229 մարդ (2011)
Խտություն	10 մարդ/կմ²
Ազգային կազմ	Հայեր
Կրոնական կազմ	Հայ Առաքելական եկեղեցի
Տեղաբնականուն	շիկահողցի
Ժամային գոտի	UTC+4
Հեռախոսային կոդ	+374 (285)
Շիկահող Վիքիպահեստում

Շիկահող, գյուղ Հայաստանի Հանրապետության Սյունիքի մարզում, Կապանից 12 կմ հարավ-արևելք, Մեղրու լեռների արևելյան ճյուղերից մեկի լանջին, ծովի մակերևույթից 980 մետր բարձրության վրա։

Շիխաուզ անվան տակ ընդգրկված է եղել Ցարական Ռուսաստանի Ելիզավետպոլի նահանգի Զանգեզուրի գավառում։ Խորհրդային տարիներին մասն է կազմել Հայկական ԽՍՀ Զանգեզուրի գավառի, իսկ 1930 թվականից` Կապանի շրջանի։ 1995 թվականից մտնում է ՀՀ Սյունիքի մարզի մեջ։

Բնակչություն

Ըստ ՀՀ 2011 թվականի մարդահամարի արդյունքների` Շիկահողի մշտական բնակչությունը կազմել է 229, առկա բնակչությունը` 194 մարդ։ Գյուղը հիմնադրման պահից բնակեցված է եղել հայերով, բնակչության փոփոխությունը ժամանակի ընթացքում` ստորև.

Տարի	1831	1873	1897	1926	1939	1959	1970	1979	1989	2001	2011
Բնակիչ	254	362	703	909	870	516	475	329	262	272	229

Տնտեսություն

Բնակչությունը զբաղվում է անասնապահությամբ, հացահատիկի և կերային կուլտուրաների մշակությամբ։

Պատմամշակութային կառույցներ

Տարածքում պահպանվել են միջնադարյան Բերդքար և Կոտրած խաչ գյուղատեղիները, 17-18-րդ դարերի գերեզմաններ, 19-րդ դարի կամուրջ, մ.թ.ա. 7-6-րդ դարերի դամբարաններ, «Խրավանդ» սրբավայրը, իսկ արևմտյան կողմում կան բերդի ավերակներ։

Տես նաև

• Շիկահողի պատմության և մշակույթի անշարժ հուշարձանների ցանկ (Սյունիքի մարզ)

Արտաքին հղումներ

• Էջը Սյունիքի մարզպետարանի կայքում Archived 2014-01-29 at the Wayback Machine.
• Համայնքի ղեկավարի Էջը Սյունիքի մարզպետարանի կայքում Archived 2014-01-29 at the Wayback Machine.