Նորաշենիկ (գյուղ, Սյունիքի մարզ)
Անվան այլ կիրառումների համար տե՛ս՝ Նորաշենիկ (այլ կիրառումներ)
| Գյուղ | |||
|---|---|---|---|
| Նորաշենիկ | |||
| Երկիր |  Հայաստան | ||
| Մարզ | Սյունիքի | ||
| Շրջան | Կապանի շրջան | ||
| Գյուղապետ | Ռոմիկ Ավանեսյան | ||
| Մակերես | 9.16 կմ² | ||
| ԲԾՄ | 1060 մ | ||
| Պաշտոնական լեզու | Հայերեն | ||
| Բնակչություն | 128[1] մարդ (2011) | ||
| Ազգային կազմ | Հայեր | ||
| Կրոնական կազմ |  Հայ Առաքելական եկեղեցի | ||
| Տեղաբնականուն | նորաշենիկցի | ||
| Ժամային գոտի | UTC+4 | ||
| Հեռախոսային կոդ | +374 (285) | ||
| |||
Նորաշենիկ, գյուղ Հայաստանի Հանրապետության Սյունիքի մարզի Կապանի տարածաշրջանում, Կապանից 6 կմ հյուսիս-արևմուտք, Աճանան գետի ձախափնյա լեռնալանջին, ծովի մակերևույթից 1000-1100 մ բարձրության վրա։
Նույն անվան տակ ընդգրկված է եղել Ցարական Ռուսաստանի Ելիզավետպոլի նահանգի Զանգեզուրի գավառում։ Խորհրդային տարիներին մասն է կազմել Հայկական ԽՍՀ Զանգեզուրի գավառի, իսկ 1930 թվականից` Կապանի շրջանի։ 1995 թվականից մտնում է ՀՀ Սյունիքի մարզի մեջ։
Բնակչություն[խմբագրել | խմբագրել կոդը]
Ըստ ՀՀ 2011 թվականի մարդահամարի արդյունքների` Շրվենանցի մշտական բնակչությունը կազմել է 128, առկա բնակչությունը` 114 մարդ[1]։ Գյուղի բնակիչները հայեր են. 19-րդ դարում բնակվել են նաև թաթարներ (ադրբեջանցիներ), որոնք, սակայն, կազմել են փոքրամասնություն[2]։ Նորաշենիկի բնակչության փոփոխությունը ժամանակի ընթացքում` ստորև[2][3].
| Տարի | 1831 | 1873 | 1897 | 1926 | 1959 | 1970 | 1979 | 1989 | 2001 | 2011 |
|---|---|---|---|---|---|---|---|---|---|---|
| Բնակիչ | 97 | 396 | 496 | 374 | 206 | 257 | 203 | 151 | 158[4] | 128[1] |
Տնտեսություն[խմբագրել | խմբագրել կոդը]
Բնակչությունը զբաղվում է անասնապահությամբ, բանջարաբուծությամբ, հացահատիկի և կերային կուլտուրաների մշակությամբ։
Գյուղատնտեսությամբ զբաղվում է 70 գյուղացիական տնտեսություն։ Անասնագլխաքանակը 2012 թվականի հունվարի 1-ի դրությամբ կազմում է.
- խոշոր եղջերավոր անասուններ` 97 գլուխ,
- մանր եղջերավոր անասուններ` 7 գլուխ,
- խոզեր` 43 գլուխ,
- մեղվաընտանիքներ` 90։
Համայնքում 2011 թվականին կատարվել է հացահատիկային մշակաբույսերի 130 հա աշնանացան։
Պատմամշակութային կառույցներ[խմբագրել | խմբագրել կոդը]
Գյուղում կա 17 դարի եկեղեցի, դեպի արևելք, հին գյուղատեղիում, կա ևս մի եկեղեցի, որը կիսականգուն է։ Հին գյուղատեղում կա X-XII դարերի եկեղեցի։ Նորաշենիկի պատմական հուշարձաններից է նաև 1884 թվականին կառուցված և 1990-1993 թվականներին վերանորոգված եկեղեցին։
Հողային և այլ բնական ռեսուրսներ[խմբագրել | խմբագրել կոդը]
Հողեր (ընդամենը)` 1028 հա, այդ թվում`
- գյուղատնտեսական նշանակության հողեր՝ 472 հա, որից վարելահող՝ 143 հա, բազմամյա տնկարկ՝ 9 հա, խոտհարք՝ 23 հա, արոտ՝ 191 հա, այլ հողատեսք՝106 հա,
- բնակավայրերի հողեր՝ 32 հա,
- արդյունաբերության, ընդերքօգտագործման և այլ արտադրական նշանակության հողեր՝ 47 հա
- էներգետիկայի, տրանսպորտի, կապի և կոմունալ ենթակառուցվածքների օբյեկտների հողեր՝ 6 հա
- հատուկ պահպանվող տարածքների հողեր՝ 2 հա,
- անտառային հողեր՝ 462 հա, որից անտառածածկ՝ 363 հա
- ջրային հողեր՝ 7 հա[5]։
Տես նաև[խմբագրել | խմբագրել կոդը]
|
Նորաշենիկ (գյուղ, Սյունիքի մարզ) Վիքիպահեստում |
|---|
Արտաքին հղումներ[խմբագրել | խմբագրել կոդը]
- Էջը Սյունիքի մարզպետարանի կայքում Archived 2014-01-29 at the Wayback Machine.
- Համայնքի ղեկավարի Էջը Սյունիքի մարզպետարանի կայքում Archived 2014-01-29 at the Wayback Machine.
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 2011 թ ՀՀ մարդահամարի արդյունքները
- ↑ 2,0 2,1 Զավեն Կորկոտյան, «Խորհրդային Հայաստանի բնակչությունը վերջին հարյուրամյակում (1831-1931)»
- ↑ «Հայաստանի և հարակից շրջանների տեղանունների բառարան», հ. 4, էջ 20
- ↑ 2001 թ ՀՀ մարդահամարի արդյունքները
- ↑ «Սյունիքի մարզպետարանի պաշտոնական կայք»։ Արխիվացված է օրիգինալից 2014 թ․ հունվարի 29-ին։ Վերցված է 2013 թ․ օգոստոսի 16
| ||||||||||||||