Գյուղի պաշտոնական անունը Շենաթաղ է։ Ռուսական կայսրության ժամանակաշրջանում կոչվել է Շինաթաղ։ 1940 թվականին վերանվել է Լեռնաշեն, իսկ 1991 թվականին՝ Շենաթաղ։
Գտնվում է Սիսիանից մոտ 16 կմ հարավ-արևելք, Լորաձոր գետի հովտում, ծովի մակարդակից մոտ 1760 մ բարձրության վրա։ Հեռավորությունը Կապան մարզկենտրոնից կազմում է մոտ 119 կմ։
Համաձայն 2011 թվականին Հայաստանում անցկացված մարդահամարի արդյունքների՝ Շենաթաղի մշտական բնակչությունը կազմել է 389, առկա բնակչությունը՝ 313 մարդ[3]։ Գյուղը մշտապես բնակեցված է եղել հայերով[4], որոնց նախնիների մի մասը գաղթել է Պարսկահայաստանի Խոյի և Սալմաստի շրջաններից, ինչպես նաև` Նախիջևանի Ղազանչի և Արցախի Հարար բնակավայրերից[5]։ Ստորև ներկայացված է Շենաթաղ գյուղի բնակչության թվային փոփոխությունն ըստ տարիների[4][5].
Գյուղատնտեսական գործունեության հիմնական ուղղություններն են անասնապահությունը և դաշտավարությունը։ Ներկա պահին գյուղատնտեսությամբ է զբաղվում 146 տնային տնտեսություն։ Բավականին զարգացած է մեղվաբուծությունը։
Անվան այլ կիրառումների համար տե՛ս՝ Շենաթաղ (այլ կիրառումներ)
Հայաստան
