Սպանդարյան (Սյունիքի մարզ)
Jump to navigation
Jump to search
| Գյուղ | ||
|---|---|---|
| Սպանդարյան | ||
| Երկիր |  Հայաստան | |
| Մարզ | Սյունիքի | |
| Գյուղապետ | Սպարտակ Սիմոնյան | |
| Մակերես | 23,76 կմ² | |
| ԲԾՄ | 2150 մ | |
| Պաշտոնական լեզու | Հայերեն | |
| Բնակչություն | 486 մարդ (2011) | |
| Ազգային կազմ | Հայեր | |
| Կրոնական կազմ | Հայ Առաքելական եկեղեցի | |
| Տեղաբնականուն | սպանդարյանցի | |
| Ժամային գոտի | UTC+4 | |
| ||
Սպանդարյան (նախկին անվանումներ՝ Մելիքլար, ավելի վաղ՝ Բերդիկ, Վերդի, Բերդի, Ղալաջուղ, Վերդիղալա, Քալաճիկ, Վերդի), գյուղ Հայաստանի Սյունիքի մարզում։ 1831 թվականին գյուղն ուներ 22, 1873 թվականին՝ 112, 1897 թվականին՝ 230, 1926 թվականին՝ 342, 1939 թվականին՝ 544, 1959 թվականին՝ 564, 1970 թվականին՝ 555, 1979 թվականին՝ 465, 1989 թվականին՝ 378, 2001 թվականին՝ 446, 2004 թվականին՝ 482 բնակիչ։ Ըստ Ազգային վիճակագրական ծառայության՝ Սպանդարյանի բնակչությունը 2011 թվականին կատարած մարդահամարի տվյալների համաձայն կազմում է 486 մարդ։
Բերդի Կալաջիկ անվանումով ընդգրկված է եղել Արևելյան Հայաստանի Ելիզավետպոլի նահանգի Զանգեզուրի գավառում[1]
Վերանվանումը տեղի է ունեցել 1939 թվականին՝ հեղափոխական Սուրեն Սպանդարյանի անվամբ։
Տաթևի վանքի հին հարկացուցակում գյուղը կոչվել է Բորտի։ Բորտիի մոտակայքում կառուցված է եղել համանուն բերդ, որն համարվել է Ծղուկքի երեք ամուր բերդերից մեկը՝ Որոտնաբերդից և Սյունի բերդից հետո։
1905-1906 թվականներին հայ-թուրքական ընդհարումների ժամանակ փոքրաթիվ թուրք բնակչությամբ գյուղը նույնպես մասնակցել է Ղարաջուղի վրա կատարված ասպատակումներին։ 1918-1920 թվականներին գյուղում կրկին վերաբնակված թուրքերը հեռանում են։ Գյուղում բնակություն են հաստատում հիմնականում Անգեղակոթից և մյուս գյուղերից եկած ընտանիքները։
Գյուղի տարածքում է գտնվում Սպանդարյանի հիդրոէլեկտրոկայանը, որն համարվում է Հայաստանի խոշորագույն ՀԷԿ-երից մեկը։
Գյուղի հյուսիսարևմտյան մասում է գտնվում Սպանդարյանի ջրամբարը։
Գյուղում կա 5-6-րդ դարերի եկեղեցի։
Աշխարհագրություն[խմբագրել | խմբագրել կոդը]
Գյուղը գտնվում է մարզկենտրոնից 115 կմ հյուսիս-արևմուտք, ծովի մակերևույթից 2150 մ բարձրության վրա։
Տնտեսություն[խմբագրել | խմբագրել կոդը]
Բնակչությունը զբաղվում է անասնապահությամբ, խոզաբուծությամբ, թռչնաբուծությամբ, դաշտավարությամբ և ծխախոտագործությամբ։
Տես նաև[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ «Հայաստանի և հարակից շրջանների տեղանունների բառարան», հտ 1, էջ 670
| ||||||||||||||