Սևաքար

Անվան այլ կիրառումների համար տե՛ս՝ Սևաքար (այլ կիրառումներ)

Գյուղ
Սևաքար
Երկիր	Հայաստան
Մարզ	ՍյունիքիՍյունիքի մարզ
Շրջան	Կապանի շրջան
Գյուղապետ	Արշավիր Հակոբյան
Մակերես	13.70 կմ²
ԲԾՄ	1100 մ
Պաշտոնական լեզու	Հայերեն
Բնակչություն	104 մարդ (2011)
Ազգային կազմ	Հայեր
Կրոնական կազմ	Հայ Առաքելական եկեղեցի
Տեղաբնականուն	սևաքարցի
Ժամային գոտի	UTC+4
Հեռախոսային կոդ	+374 (285)

Սևաքար, գյուղ Հայաստանի Հանրապետության Սյունիքի մարզի Կապանի տարածաշրջանում, Կապան քաղաքից մոտ 7-8 կմ հյուսիս-արևելք, Բարգուշատի լեռնաճյուղերից մեկի լանջին, Սևաքար գետակի աջ ափին, ծովի մակարդակից 1000-1100 մ բարձրության վրա։

Նույն անվան տակ ընդգրկված է եղել Ցարական Ռուսաստանի Ելիզավետպոլի նահանգի Զանգեզուրի գավառում։ Խորհրդային տարիներին մասն է կազմել Հայկական ԽՍՀ Զանգեզուրի գավառի, իսկ 1930 թվականից` Կապանի շրջանի։ 1995 թվականից մտնում է ՀՀ Սյունիքի մարզի մեջ։

Բնակչություն

Ըստ ՀՀ 2011 թ. մարդահամարի արդյունքների` Սևաքարի մշտական բնակչությունը կազմել է 104, առկա բնակչությունը` 91 մարդ։ Գյուղը բնակեցված է եղել հայերով, բնակչության փոփոխությունը ժամանակի ընթացքում` ստորև.

Տարի	1831	1873	1897	1926	1939	1959	1970	1979	1989	2001	2011
Բնակիչ	183	396	673	440	431	288	203	89	112	122	104

Տնտեսություն

Բնակչությունը զբաղվում է անասնապահությամբ, պտղաբուծությամբ, հացահատիկի և կերային կուլտուրաների մշակությամբ։

Պատմամշակութային կառույցներ

Գյուղն ունի 17-րդ դարի սուրբ Աստվածածին եկեղեցի, իսկ շրջակայքում երևում են գյուղատեղիների հետքեր։

Տես նաև

• Սևաքարի պատմության և մշակույթի անշարժ հուշարձանների ցանկ (Սյունիքի մարզ)

Արտաքին հղումներ

• Էջը Սյունիքի մարզպետարանի կայքում Archived 2014-01-29 at the Wayback Machine.
• Համայնքի ղեկավարի Էջը Սյունիքի մարզպետարանի կայքում Archived 2014-01-29 at the Wayback Machine.