Նորավան (Սյունիքի մարզ)
Այս հոդվածը Սյունիքի մարզի գյուղի մասին է։ Այլ գործածությունների համար այցելեք Նորավան (այլ կիրառումներ)։
| Գյուղ | ||
|---|---|---|
| Նորավան | ||
| Երկիր |  Հայաստան | |
| Մարզ | Սյունիք | |
| Գյուղապետ | Սլավիկ Պապյան | |
| Առաջին հիշատակում | 1928 | |
| Մակերես | 34,17 կմ² | |
| ԲԾՄ | 1700 մ | |
| Պաշտոնական լեզու | հայերեն | |
| Բնակչություն | 485[1] մարդ (2011) | |
| Ազգային կազմ | հայեր | |
| Տեղաբնականուն | նորավանցի | |
| Ժամային գոտի | UTC+4 | |
| ||
Նորավան, գյուղ Հայաստանի Հանրապետության Սյունիքի մարզի Սիսիանի տարածաշրջանում, Սիսիան քաղաքից 4-5 կմ արևելք, Որոտան գետի ձախ կողմում` մեղմաթեք սարավանդի վրա, բարձրությունը ծովի մակարդակից` մոտ 1700 մ։։ Հեռավորությունը Կապան մարզկենտրոնից ճանապարհով կազմում է մոտ 96 կմ։
Գյուղը հիմնադրվել է 1928 թվականին Սիսիանի շրջանի այլ գյուղերի բնակիչների կողմից[2]։ 1930 թվականից մասն է կազմել Հայկական ԽՍՀ Սիսիանի շրջանի։ 1995 թվականից մտնում է ՀՀ Սյունիքի մարզի մեջ։
Բնակչություն[խմբագրել | խմբագրել կոդը]
Ըստ ՀՀ 2011 թ. մարդահամարի արդյունքների` Նորավանի մշտական բնակչությունը կազմել է 485, առկա բնակչությունը` 360 մարդ[1]։ Գյուղը մշտապես բնակեցված է եղել հայերով[3][2], բնակչության փոփոխությունը ժամանակի ընթացքում` ստորև[3][2].
| Տարի | 1931 | 1939 | 1959 | 1970 | 1979 | 1989 | 2001 | 2011 |
|---|---|---|---|---|---|---|---|---|
| Բնակիչ | 338 | 411 | 666 | 538 | 355 | 405 | 517[4] | 485[1] |
