Վահրավար

Անվան այլ կիրառումների համար տե՛ս՝ Վահրավար (այլ կիրառումներ)

Գյուղ
Վահրավար
Երկիր	Հայաստան
Մարզ	ՍյունիքիՍյունիքի մարզ
Շրջան	Մեղրու
Գյուղապետ	Սարգիս Առաքելյան
Մակերես	8.02 կմ²
ԲԾՄ	1300 մ
Պաշտոնական լեզու	Հայերեն
Բնակչություն	48 մարդ (2011)
Ազգային կազմ	Հայեր
Կրոնական կազմ	Հայ Առաքելական եկեղեցի
Տեղաբնականուն	վահրավարցի
Ժամային գոտի	UTC+4
Հեռախոսային կոդ	+374 (286)
Վահրավար (Հայաստան) Վահրավար (Սյունիքի մարզ)

Վահրավար, գյուղ Հայաստանի Հանրապետության Սյունիքի մարզի Մեղրու տարածաշրջանում, Մեղրի քաղաքից մոտ 8 կմ հյուսիս-արևմուտք, ծովի մակարդակից 1260-1320 մ բարձրության վրա։ Հեռավորությունը Կապան մարզկենտրոնից ճանապարհով կազմում է մոտ 70 կմ։

Վագրիվար անվան տակ ընդգրկված է եղել Ցարական Ռուսաստանի Ելիզավետպոլի նահանգի Զանգեզուրի գավառում։ Խորհրդային տարիներին մասն է կազմել Հայկական ԽՍՀ Մեղրու գավառի, իսկ 1930 թվականից` Մեղրու շրջանի։ 1995 թվականից մտնում է ՀՀ Սյունիքի մարզի մեջ։

Բնակչություն

Ըստ ՀՀ 2011 թ. մարդահամարի արդյունքների` Վահրավարի մշտական բնակչությունը կազմել է 48, առկա բնակչությունը` 66 մարդ։ 19-րդ դարում գյուղը բնակեցված է եղել հայերով, 1920-ական թվականներից ապրել են նաև ադրբեջանցիներ, որոնք հեռացել են 1988-1989 թվականներին։ Վահրավարի բնակչության փոփոխությունը ժամանակի ընթացքում` ստորև.

Տարի	1831	1873	1897	1926	1939	1959	1970	1979	1989	2001	2011
Բնակիչ	18	112	194	410	257	187	174	89	37	57	48

Պատմություն

Վահրավարը Հայաստանի հին բնակավայրերից է։ Այդ են վկայում գյուղում և շրջակայքում գտնվող միջնադարյան գյուղատեղիները (Կարմիր վանք, Ծավի դիք), եկեղեցիները, խաչքարերով գերեզմանոցները։ Հատկապես նշանավոր է Կարմրավանքի եկեղեցին (17-րդ դար), որը թաղածածկ ուղղանկյան դահլիճ է՝ թեք ծածկով։ Բեմի հատակի տակ թաքստոց է, որի օդափոխության անցքը դուրս է գալիս խորանի պատին կից և աննկատ է։

Տես նաև

• Վահրավարի պատմության և մշակույթի անշարժ հուշարձանների ցանկ (Սյունիքի մարզ)

Արտաքին հղումներ

• Էջը Սյունիքի մարզպետարանի կայքում Archived 2012-04-06 at the Wayback Machine.
• Համայնքի ղեկավարի Էջը Սյունիքի մարզպետարանի կայքում Archived 2014-01-29 at the Wayback Machine.