Քարաշեն
Jump to navigation
Jump to search
Անվան այլ կիրառումների համար տե՛ս՝ Քարաշեն (այլ կիրառումներ)
| Գյուղ | ||
|---|---|---|
 | ||
| Երկիր |  Հայաստան | |
| Մարզ | Սյունիքի | |
| Գյուղապետ | Գառնիկ Շահնուբարյան | |
| Մակերես | 13,82 կմ² | |
| ԲԾՄ | 1700 մետր | |
| Պաշտոնական լեզու | հայերեն | |
| Բնակչություն | 550[1] մարդ (2011) | |
| Ազգային կազմ | Հայեր | |
| Տեղաբնականուն | քարաշենցի | |
| Ժամային գոտի | UTC+4 | |
| ||
Քարաշեն (նախկինում նաև Դաշքենդ), գյուղ Հայաստանի Սյունիքի մարզում, Գորիսից մոտ 6 կմ հյուսիս-արևելք, Գորիս-Ստեփանակերտ ավտոմայրուղու ձախ կողմում, ծովի մակարդակից մոտ 1500 մ բարձրության վրա։ Հեռավորությունը Կապան մարզկենտրոնից կազմում է մոտ 95 կմ։
Դաշքենդ անվան տակ ընդգրկված է եղել Ցարական Ռուսաստանի Ելիզավետպոլի նահանգի Զանգեզուրի գավառում։ Խորհրդային տարիներին մասն է կազմել Հայկական ԽՍՀ Զանգեզուրի գավառի, իսկ 1930 թվականից՝ Գորիսի շրջանի։ 1995 թվականից մտնում է Հայաստանի Սյունիքի մարզի մեջ, 2016 թվականից մաս է կազմում խոշորացված Տեղ համայնքի։
Բնակչություն[խմբագրել | խմբագրել կոդը]
Ըստ Հայաստանի 2011 թվականի մարդահամարի արդյունքների՝ Քարաշենի մշտական բնակչությունը կազմել է 550, առկա բնակչությունը՝ 515 մարդ[1]։ Գյուղը բնակեցված է եղել և շարունակում է բնակեցված լինել հայերով[2], որոնց նախնիների մի մասը գաղթել է 1829 թ. Պարսկահայաստանի Խոյի շրջանից[3]։ Բնակչության փոփոխությունը ժամանակի ընթացքում` ստորև[2][3].
| Տարի | 1831 | 1873 | 1897 | 1926 | 1939 | 1959 | 1970 | 1981 | 1989 | 2001 | 2011 |
|---|---|---|---|---|---|---|---|---|---|---|---|
| Բնակիչ | 74 | 353 | 628 | 656 | 661 | 589 | 505 | 542 | 493 | 576[4] | 550[1] |
Տնտեսություն[խմբագրել | խմբագրել կոդը]
Բնակչությունը զբաղվում է անասնապահությամբ, բանջարաբուծությամբ, ծխախոտագործությամբ, հացահատիկի և կերային կուլտուրաների մշակությամբ։
Պատմամշակութային կառույցներ[խմբագրել | խմբագրել կոդը]
Քարաշենում պահպանվել են 17-րդ դարի փոքր եկեղեցի և գերեզմանոցներ, 1 կմ հյուսիս՝ Սուրբ Գևորգ եկեղեցին, իսկ շրջակայքում հայտնաբերվել են գյուղատեղիներ։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 2011 թ Հայաստանի մարդահամարի արդյունքները
- ↑ 2,0 2,1 Զավեն Կորկոտյան, «Խորհրդային Հայաստանի բնակչությունը վերջին հարյուրամյակում (1831-1931)»
- ↑ 3,0 3,1 «Հայաստանի և հարակից շրջանների տեղանունների բառարան», հ. 2, էջ 578
- ↑ 2001 թ Հայաստանի մարդահամարի արդյունքները
Արտաքին հղումներ[խմբագրել | խմբագրել կոդը]
- Էջը Սյունիքի մարզպետարանի կայքում Archived 2014-01-29 at the Wayback Machine.
- Համայնքի ղեկավարի Էջը Սյունիքի մարզպետարանի կայքում Archived 2014-01-29 at the Wayback Machine.
| ||||||
| ||||||||||||||