Վիքիպեդիայից՝ ազատ հանրագիտարանից
Անվան այլ կիրառումների համար տե՛ս՝ Գեղի (այլ կիրառումներ)
Գեղի ,
գյուղ Հայաստանի Հանրապետության Սյունիքի մարզի Կապանի տարածաշրջանում, մարզկենտրոն Կապանից 26 կմ հյուսիս-արևմուտք, Գեղի գետի միջին հոսանքի աջ ափին։
Կիչի Սոֆուլու անվան տակ ընդգրկված է եղել Ցարական Ռուսաստանի Ելիզավետպոլի նահանգի Զանգեզուրի գավառում [2] ։ Խորհրդային տարիներին մասն է կազմել Հայկական ԽՍՀ Զանգեզուրի գավառի, իսկ 1930 թվականից` Կապանի շրջանի ։ 1995 թվականից մտնում է ՀՀ Սյունիքի մարզի մեջ։
Ըստ ՀՀ 2011 թ. մարդահամարի արդյունքների` Գեղիի մշտական բնակչությունը կազմել է 172, առկա բնակչությունը` 106 մարդ[1] ։ Մինչև 1988 -1989 թթ. բնակեցված է եղել ադրբեջանցիներով[3] ։
Գեղիի բնակչության փոփոխությունը ժամանակի ընթացքում` ստորև[4] .
Բնակչությունը զբաղվում է անասնապահությամբ և դաշտավարությամբ։
Գեղիում է գտնվում Սյունիք աշխարհի նշանավոր “Գեղի” բերդը, որի ավերակները հազիվ են նշմարվում, կան X դարի եկեղեցու և գերեզմանոցի հետքեր։
↑ 1,0 1,1 1,2 2011 թ ՀՀ մարդահամարի արդյունքները
↑ «Հայաստանի և հարակից շրջանների տեղանունների բառարան», հտ. 3, էջ 141
↑ 3,0 3,1 Զավեն Կորկոտյան, «Խորհրդային Հայաստանի բնակչությունը վերջին հարյուրամյակում (1831-1931)»
↑ «Հայաստանի հանրապետության բնակավայրերի բառարան, էջ 56» ։ Արխիվացված է օրիգինալից 2014 թ․ սեպտեմբերի 12-ին։ Վերցված է 2014 Հուլիսի 22
↑ «Հայաստանի և հարակից շրջանների տեղանունների բառարան», հտ. 5, էջ 626