Անկարան (թուրք.՝ Ankara) Թուրքիայի մայրաքաղաքն է։ Բնակչություն՝ 4,548,939 (2000)։ Գտնվում է Անատոլական սարահարթի կենտրոնական մասում, Չուբուկ և Անկարա գետերի (Սաքարիայի ավազան) միախառնման տեղում։
Հիմնադրել է Փռյուգիայի Միդաս թագավորը մթա 7-րդ դարում, կոչվել է Անկյուրա։ Ենթադրում են, որ անվանման հիմքում ընկած անկեր «խարիսխ» (հնդեվրոպական անկ «կորացված, կեռավուն» արմատից) բառը` «կայան, ճանապարհին կանգ առնելու տեղ» իմաստով։ Մինչև 1930-ական թվականները գործածության մեջ էր Անկարա անվանման եվրոպականացված Անգորա (Angora) ձևը։ Արևմտահայերեն տարածված է անվանման Անգարա ձևը։[2]
