Կարակալլա

Վիքիպեդիայից՝ ազատ հանրագիտարանից
Կարակալլան հռոմեական դրամի վրա

Մարկոս Ավրելիոս Անտոնիոս Կարակալլա (լատ.՝ Marcus Aurelius Severus Antoninus Augustus; 186 - 217), Հռոմի կայսր Սևերոսների հարստությունից։ Սեպտիմիոս Սևերոսի որդին, Գետայի եղբայրը։ 212-ին, սպանելով եղբորը, գահակալել է ինքնուրույն։ Դրամա-հարկային համակարգը կարգավարելու և ամբողջ բնակչությունից հարկ գանձելու նպատակով, կայսրության ազատ բնակչությունը տվել է հռոմեական քաղաքացիության իրավունք։ Երկու արշավանք է կատարել Պարթևաստան։ Երկրորդի ժամանակ Կարակալլային սպանել է պրետորիականների հրամանատար Մակրինոսը։

Արշավանք դեպի Հայաստան[խմբագրել]

Իշխանության տարիները 211 առ 217թթ.։ 216թ., Հայոց արքա Խոսրով Ա-ի և նրա որդիների միջև ծագած վեճը հարթելու պատրվակով, Խոսրով Ա-ին և նրա ընտանիքի անդամներին հրավիրել է Անտիոք, ձերբակալել է և ուղարկել Հռոմ։ Այնուհետև զորք է ուղարկել Հայաստան՝ ճնշելու Հռոմի դեմ ծագած ապստամբությունը, սակայն հայերը ջախջախել են այդ զորքը և վտարել երկրից։ [1]

Ծանոթագրություններ[խմբագրել]

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png