Վիտելլիոս

Ավլոս Վիտելլիոս (լատիներեն՝ Aulus Vitellius Germanicus, 15թ. սեպտեմբերի 24 — 69թ. դեկտեմբերի 20) — հռոմեական կայսր 69թ. ապրիլի 17-ից առ դեկտեմբերի 20-ը: Տիրացել է գահին 69թ. ապրիլի 14-ին Բետրիակի մոտ ճակատամարտում Օտոնի զորքերը ջախջախելուց և դրան հաջորդած Օտոնի ինքնասպանությունից հետո: Իր կարճատև կառավարման ընթացքում աչքի է ընկել դաժանությամբ և շատակերությամբ` իր իշխանության մի քանի ամսվա ընթացքում խնջույքների վրա ծախսելով շուրջ 900 մլն սեստերցի: Իր հերթին պարտություն է կրել Վեսպասիանոսի զորքերից` սպանվելով Հռոմ մտած զինվորների կողմից: