Վիեննա

Վիքիփեդիայից՝ ազատ հանրագիտարանից

Վիեննան (գերմաներեն՝ Wien) Ավստրիայի մայրաքաղաքն է։ Գտնվում է Դանուբի ափին, Ալպերի Վիեննական անտառ լեռնազանգվածի ստորոտին։ Տրանսպորտային խոշոր հանգույց, գետային նավահանգիստ, միջազգային օդանավակայան (Շվախտ)։ Մեքենաշինության, նավթավերամշակման, քիմիական, տեքստիլ սննդի արդյունաբերական կենտրոն։ Հանդիսանում է միջազգային բազմաթիվ կազմակերպությունների նստավայր, ինչպես նաև միջազգային հանդիպումների, բանակցությունների վայր։

[խմբագրել] Անվանման վարկածներ

Մ.թ.ա. IV դարում այժմյան Վիեննայի տեղում կելտական ցեղերը հիմնել են մի գյուղակ և այն անվանել Վինդոբոնա, որը նրա առաջին բնակիչների լեզվով նշանակել է «սպիտակ դաշտ»։ Մ.թ. I դարից այն եղել է հռոմեական ճամբար նույն Vindobona անունով։ Այս անվանումը ժամանակի ընթացքում հնչյունափոխությունների հետևանքով դարձել է Վիեննա (գերմ. Wien)։