Մինսկ

Քաղաք Մինսկ բել. Мінск Դրոշ Զինանշան Հաղթանակի հրապարակը 53.916667, 27.5553°55′00″ հս. լ. 27°33′00″ ավ. ե.53.916667° հս. լ. 27.55° աե. ե. Երկիր ԲելառուսԲելառուս Կարգավիճակ Մինսկի մարզիի և Մինսկի շրջանի վարչկենտրոն (չի մտնում դրանց կազմի մեջ) Քաղկոմի նախագահ Նիկոլայ Լադուտկո Առաջին հիշատակում 1067 Այլ անվանումներ Մենսկ, Մենենսկ Մակերես 308 կմ² Բարձրություն ծովի մակարդակից 220 մ Կլիմայի տեսակ չափավոր մայրցամաքային Խոսվող լեզուներ Բելառուսերեն, ռուսերեն Բնակչություն 1 838,2 հազ. մարդ (2010) Խտություն 5 968 մարդ/կմ² Ագլոմերացիա մոտ 2 000 000 Կրոնական կազմ Ուղղափառներ, կաթոլիկներ Ժամային գոտի UTC+2, ամառը UTC+3 Հեռախոսային կոդ 17 Փոստային ինդեքսներ 220000-220117, 220807 Ավտոմոբիլային կոդ 7 Պաշտոնական կայք www.minsk.gov.by(ռուս.) (անգլերեն) Նյութեր Վիքիպահեստում

Մինսկ (բել. Мінск, մինչև 1939 թ. — Մենսկ), Բելառուսի մայրաքաղաքը, Մինսկի մարզի և Մինսկի շրջանի վարչկենտրոն, սակայն չի մտնում դրանց կազմի մեջ, հերոս-քաղաք: Խոշորագույն տրանսպորտային հանգույց, երկրի քաղաքական, տնտեսական, մշակութային և գիտական կենտրոն: Մինսկում գտնվում է ԱՊՀ-ի գլխավոր գրասենյակը: Քաղաքը գտնվում է երկրի աշխարհագրական կենտրոնի մոտ և գտնվում է Սվիսլոչ գետի ափին: 2010 թվականի հունիսի 25-ից Մինսկի քաղկոմն (քաղաքապետը) է նշանակվել Նիկոլայի Ալեքսանդրի Լադուտկոն։

Պատմություն

Առաջին անգամ Մինսկը հիշատակվում է 1067-ին, որպես ամրոց։ 12-րդ դարից եղել է Մինսկի իշխանության կենտրոնը, 14-րդ դարից՝ Լիտվական մեծ իշխանության կազմում։ 1499-ին քաղաքին տրվել է մագդեբուրգյան իրավունք, 14-րդ դարից դարձել է Մինսկի վոյեվոդության կենտրոնը։ 1793-ից, Ռեչ Պոսպոլիտայի 2-րդ բաժանումից հետո, մտել է Ռուսական կայսրության մեջ, 1796-ից Մինսկի նահանգի կենտրոնն էր։ 1898-ի մարտի 1-3-ը Մինսկում կայացել է ՌՍԴԲԿ 1-ին համագումարը։ 1915-ից՝ մերձճակատային քաղաք, ուր տեղավորված էր Արևմտյան ռազմաճակատի շտաբը։ Խորհրդային իշխանություն Մինսկում հաստատվել է 1917-ի հոկտեմբերի 25 (նոյեմբերի 7)-ին։ 1941-ի հունիսի 28-ից 1944-ի հուլիսի 9-ը օկուպացվել են գերմանական ֆաշիստները։ 1946-50-ին Մինսկը վերականգնվել է։