Պակիստան

Վիքիպեդիայից՝ ազատ հանրագիտարանից
Պակիստան
اسلامی جمہوریت پاکستان
Islami Jamahuriat Pakistan

Պակիստանի դրոշ
(Դրոշ)

Պակիստանի զինանշան
(Զինանշան)

Pakistan (orthographic projection).svg

Հիմնական տեղեկություններ
Պետական լեզու. անգլերեն
ուրդու
Քաղաքամայր. Իսլամաբադ
Պետական կարգ. Կիսանախագահական համակարգ
Մակերես. 803 940 կմ²
Ազգաբնակչություն. 183 209 612 (224,9/կմ²)
Պետական ատրիբուտներ
Հիմն. «قومی ترانہ»
Կարգախոս. «Iman, Ittehad, Nazm»
Արժույթ. Պակիստանյան ռուփի (PKR)
Ժամային գոտի. +5
Վեբ դոմեն | ISO | Հեռ. .pk | PAK | 92
Un-pakistan.png

Պակիստանը (پاکستان՝ ուրդու լեզվով) պետություն է Հարավային Ասիայում՝ Արաբական ծովի ափին։ Երկրի արևելյան և հարավարևելյան մասերում տարածվում է Ինդոս գետի ցածրադիր հարթավայրը, որի հյուսիսային մասը կոչվում է Փենջաբ, իսկ հարավայինը՝ Սինդ, որը ողողվում է Արաբական ծովի ջրերով։ Հյուսիսում վեր են խոյանում Հինդիկուշի (ամենաբարձր գագաթը Տիրիշմիր լեռն է, 7690 մ) և Հիմալայների համակարգին պատկանող բարձր լեռները։ Երկրում մեծ տարածքներ են զբաղեցնում անապատները։

Օգտակար հանածոներ[խմբագրել]

Ընդերքում կան նավթի, գազի, ածխի, երկաթի, մանգանի, կապարի, ցինկի, քրոմիտների, ծարիրի, բարիտի, ծծմբի, քարաղի, գիպսի, կրաքարերի և կավերի հանքավայրեր։

Կլիմա[խմբագրել]

Կլիման արևադարձային է, հյուսիս-արևմուտքում՝ մերձարևադարձային։ Լեռներում հստակ արտահայտված է բարձունքային գոտիականությունը։ Գլխավոր գետը Ինդոսն է՝ Սաթլեջ և Քաբուլ վտակներով։ Բուսականությունն առավելապես տափաստանային և կիսաանապատային է։ Անտառները կազմում են երկրի տարածքի 37%-ը։ Ծառատեսակներից հանդիպում են կաղնի, եղևնի, սոճի, հիմալայան մայրի։ Հովիտներում, բնակավայրերի մերձակայքում կան փյունիկյան արմավենու, ցիտրուսների, ձիթենու, թթենու տնկադաշտեր, մրգատու այգիներ։

Կենդանական աշխարհ[խմբագրել]

Կենդանական աշխարհը բազմազան է. կան ընձառյուծ, բորենի, շնագայլ, պարսկական եղնիկ, վայրի ոչխար, կրծողներ, օձեր, Ինդոսում՝ կոկորդիլոսներ։ Արաբական ծովը հարուստ է ձկներով։

Պատմություն[խմբագրել]

Պակիստանը կազմավորվել է 1947 թ-ին, երբ անգլիական նախկին գաղութ Հնդկաստանը բաժանվեց 2 երկրների՝ Պակիստանի և Հնդկաստանի։ Մինչև 1971 թ. Պակիստանը կազմված էր 2 մասից՝ Արևմտյան Պակիստանից (ներկայիս Պակիստանը) և Արևելյան Պակիստանից, որտեղ 1971 թ-ին իր անկախությունը հռչակեց Բանգլադեշի Ժողովրդավարական Հանրապետությունը։ 1977 թ-ին երկրում տեղի ունեցավ ռազմական հեղաշրջում, իսկ 1988 թ-ի օգոստոսին ավիավթարից նախագահ Մուհամեդ Զիա ուլ Խակի զոհվելուց հետո իշխանությունն անցավ քաղաքացիական կառավարությանը։ Պակիստանը բազմազգ պետություն է։ Հիմնական ժողովուրդներն են փենջաբցիները, սինդհերը, փուշթուները, բելուջները[1]։

Տնտեսություն[խմբագրել]

Երկրի տնտեսության հիմքը գյուղատնտեսությունն է։ Երկրագործության համար ամենահարմար տարածքն Ինդոսի հովիտն է (Փենջաբ)։ Այդ պատճառով էլ մարդիկ վաղուց ի վեր բնակություն են հաստատել Փենջաբում։ Դաշտերը ոռոգելու համար Ինդոսն ու նրա վտակները միացվել են մեծ ու փոքր բազմաթիվ ջրանցքներով։ Ոռոգվող հողերում մշակում են ցորեն, բամբակենի, բրինձ, շաքարեղեգ, ծխախոտ, բանջարեղեն։ Տարեկան 2 բերք են հավաքում։ Զարգացած են արդյունաբերության հանքարդյունահանող և գյուղատնտեսական հումքի վերամշակման ճյուղերը։ Կան ավտոհավաքման, պարարտանյութերի, ցեմենտի, ապակու արտադրության ձեռնարկություններ։ Պակիստանի ամենախոշոր քաղաքը Արաբական ծովի ափին գտնվող Կարաչին է։ Այն երկրի ծովային դարպասն է։ Հին քաղաքներում շատ են գեղեցիկ տներն ու այգիները։ Տներից վեր խոյանում են սլացիկ մինարեները, որտեղից աղոթքի են կանչում մահմեդականներին[2]։

Խոշոր քաղաքներ[խմբագրել]

Պակիստանի մեծ քաղաքների հնգյակը կազմում են հետևյալ քաղաքները.՝

  1. Կարաչի - 13 205 339 մարդ
  2. Լախոր - 7 129 609 մարդ
  3. Ֆեյսալաբադ - 2 880 675 մարդ
  4. Ռավալպինդի - 1 991 656 մարդ
  5. Մուլտան - 1 606 481 մարդ

Արտաքին հղումներ[խմբագրել]

  1. * Официальный сайт Правительства Пакистана
  2. * Официальный сайт Президента Пакистана
  3. * Официальный информационный сайт Пакистана
  4. * Пакистан.ру
  5. * Информация о Пакистане в Книге Фактов ЦРУ
  6. * Данные Всемирного банка о Пакистане
  7. * Open Directory Project — Пакистан
  8. * brain.net История Пакистана
  9. * Страница Пакистана в CIA — The World Factbook
  10. * Дикая природа Пакистана
  11. * Прогноз: Пакистан в структурно-демографическом кризисе

  1. «Pak-Afghan relations: Border clash mars peace overtures». 28 апреля 2011. http://tribune.com.pk/story/157727/afghan-forces-attack-pakistan-army-check-post-4-wounded/. 
  2. «Protected areas of AJK»։ forest.ajk.gov.pk։ Government of Azad and Jammu Kashmir։ 2009։ Արխիվացված օրիգինալից 2011-08-22-ին։ http://www.webcitation.org/6177KzS8h։ Վերցված է 19 февраля, 2011։