Ֆիջի

Վիքիպեդիայից՝ ազատ հանրագիտարանից
Ֆիջիի Կղզիների Հանրապետություն
Republic of Fiji
Matanitu ko Viti
फ़िजी

Ֆիջիի դրոշ
(Դրոշ)

Ֆիջիի զինանշան
(Զինանշան)

Fiji (orthographic projection).svg

Հիմնական տեղեկություններ
Պետական լեզու. անգլերեն, ֆիջիերեն, հինդիուրդու
Քաղաքամայր. Սուվա
Պետական կարգ. հանրապետություն
Մակերես. 18 274 կմ²
Ազգաբնակչություն. (2009) 849 000 (46,4/կմ²)
Պետական ատրիբուտներ
Հիմն. «Meda Dau Doka»
Կարգախոս. «Rerevaka na Kalou ka Doka na Tui»
Արժույթ. Ֆիջիյան դոլար (FJD)
Ժամային գոտի. +12
Վեբ դոմեն | ISO | Հեռ. .fj | FIJ | +679
Fiji map.png

Ֆիջիի Կղզիների Հանրապետությունը (անգլ.՝ Republic of the Fiji Islands) կամ պարրզապես Ֆիջին, գտնվում է Խաղաղ օվկիանոսի հարավային մասում, Ֆիջի կղզեխմբի վրա, դեպի արևելք Վանուատույից, արևմուտք՝ Տոնգայից և հարավ՝ Թուվալույից։

Բնությունը[խմբագրել]

Ֆիջի արշիպելագը բաղկացած է ավելի քան 300 կղզիներից։ Խոշորներն են Վիտի Լեուն և Վանուա Լնուն։ Կղզիների հիմքը կազմված է գրանիտներից, գնեյսներից և հնագույն բյուրեղային ապարներից՝ տեղ-տեղ ծածկված երրորդականի ապարներով (ավազաքարեր, բազալտներ, անդեզիտներ)։

Ափերը կտրտված և շրջապատված են կորալային խութերով։ Խոշոր կղզիների ռելիեֆում գերակշռում են լեռնաշղթաներով կտրտված սարավանդները (բարձրությունը՝ մինչև 1322 մ, Վիտի Լևու կղզի), աթերին կան կուտակումային նեղ հարթավայրեր։ Խոշոր գետերն են՝ Ռևա, Վաինիմբուկա, Մբա։ Կլիման խոնավ արևադարձային օվկիանոսային է, միջին ամսական ջերմաստիճանը՝ 25-28 °C։ Տարեկան տեղումները 1500-4000 մմ են։ Տիրապետում են բերրի կարմրահողեր։ Տարածվում են խոնավ արևադարձային անտառները, տեղ-տեղ՝ մարդու միջամությամբ առաջացած սավաննաները: