Պապուա Նոր Գվինեա

Վիքիպեդիայից՝ ազատ հանրագիտարանից
Պապուա Նոր Գվինեայի Անկախ Հանրապետություն
Independent State of Papua New Guinea
Independen Stet bilong Papua Niugini

Պապուա Նոր Գվինեայի դրոշ
Դրոշ

Պապուա Նոր Գվինեայի զինանշան
Զինանշան

Papua New Guinea (orthographic projection).svg

Հիմնական տեղեկություններ
Պետական լեզու հիրի-մոտու, տոկ-պիսին, անգլերեն
Մայրաքաղաք Պորտ Մորսբի
Պետական կարգ Սահմանադրական միապետություն
Մակերես 462 840 կմ²
Ազգաբնակչություն. 7 334 638 (13/կմ²)
Պետական ատրիբուտներ
Հիմն «O Arise, All You Sons»
Ժամային գոտի +10
Վեբ | ISO | Հեռ. .pg | PNG | +675
Papua New Guinea map.png


Պապուա Նոր Գվինեա, պետություն Օվկիանիայում։ Գտնվում է Խաղաղ օվկիանոսի հարավարևմտյան հատվածում և զբաղեցնում է Նոր Գվինեա կղզու արևելյան հատվածը, Բիսմարկի կղզիները, Սողոմոնյան կղզիների հյուսիսային հատվածը և այլ կղզային տարածքներ։ Մակերեսը կազմում է 462 840 քառակուսի կմ, իսկ բնակչությանը թիվը 2009 թվականին՝ 6 մլն.։ Մայրաքաղաքաը Պորտ Մորսբին է։ Զբաղեցնում է Նոր Գվինեա կղզու արևելյան մասը, Բիսմարկի, Լուիզիադա կղզեխմբերը, Սողոմոնի կղզիների հյուսիսային մասը, Տրոբրիան, Դ’Անտրկաստո, Մուրուա կղզիները և մոտ 200 մեծ ու փոքր այլ կղզիներ։ Երկրի կենտրոնում, արևմուտքից արևելք, ձգվում են 3000–4000 մ բարձրության (առավելագույնը՝ 4506 մ, Վիլհելմ լեռ) լեռնաշղթաները։ Կան բազմաթիվ գործող և հանգած հրաբուխներ։ Հաճախակի են երկրաշարժերը։ Ընդերքում կան նավթի ու գազի, պղնձի, ոսկու, երկաթի, նիկելի, կապարի, մանգանի, պլատինի հանքավայրեր։ Կլիման հասարակածային և մերձհասարակածային է։ Գետերը ջրառատ են, հարուստ՝ ջրաէներգետիկ պաշարներով։ Կենդանական և բուսական աշխարհները բազմազան են։ Աճում է ավելի քան 20 հզ. բուսատեսակ, որոնց մեծ մասը բնաշխարհիկ է։ Տարածված են մշտադալար անտառները, լեռներում խիստ արտահայտված է վերընթաց գոտիականութունը։ Կենդանիներից կան գորշուկ, ծառի ագեվազ և կուսկուս պարկավորներ, օձեր, մողեսներ, ջրերում՝ կոկորդիլոս, կրիա։ Բազմաթիվ ու բազմատեսակ են թռչունները (կազուարներ, դրախտահավեր և այլն)։

Նոր Գվինեա կղզու հարավարևելյան մասը՝ Պապուան, եղել է Մեծ Բրիտանիայի գաղութը, իսկ հյուսիսարևելյան մասը զավթել է Գերմանիան։ 20-րդ դարի սկզբից Նոր Գվինեան պատկանել է Ավստրալիային։ 1949 թվականին Պապուան և Նոր Գվինեան վարչականորեն միավորվել են։ Երկիրն անկախ է հռչակվել 1975 թ-ի սեպտեմբերի 16-ին։ Երկրի հիմնական բնակիչները պապուասներն ու մելանեզացիներն են, որոնք խոսում են ավելի քան 700 լեզվով ու բարբառով։ Խոշոր քաղաքներն են Պորտ Մորսբին, Լաեն, Մադանգը։