Կարաչի

Վիքիպեդիայից՝ ազատ հանրագիտարանից
Քաղաք
Կարաչի
ուրդու՝ کراچی
անգլ.՝ Karachi
սինդհի՝ ڪراچي
Karachi montage 1.jpg
24°51′36″ հս. լ. 67°00′36″ ավ. ե. / 24.86° հս. լ. 67.01° աե. ե.
Երկիր Պակիստան Պակիստան
Նազիմ Ֆազլուր Փահման
Մակերես 3530 կմ²
Բարձր. ծովի մակ-ից 8 մ
Խոսվող լեզուներ ուրդու
Բնակչություն 13 205 339 մարդ (2010)
Խտություն 3740,89 մարդ/կմ²
Կրոնական կազմ Սուննի իսլամ
Ժամային գոտի UTC+5
Պաշտոնական կայք www.karachicity.gov.pk
##Կարաչի (Պակիստան)
Red pog.png

Կարաչին (Ուրդու՝ کراچی, Սինդհի՝ ڪراچي) քաղաք Պակիստանում, Ինդոսի դելտայի մոտ, Արաբական ծովի ափին, Սինդ պրովինցիայի վարչական կենտրոնը։ Այն նաև Պակիստանի գլխավոր նավահանգիստն ու ֆինանսական կենտրոնն է։ 18.5 միլիոն բնակչությամբ Կարաչին աշխարհի ամենախոշոր քաղաքներից է և 13-րդ ամենախոշոր քաղաքային ագլոմերացիան։

Տրանսպորտային հանգույց է, նավահանգիստ, ունի խոշոր օդանավակայան։ Կարաչիում և նրա արվարձաններում կենտրոնացած է Պակիստանի արդյունաբերական արտադրանքի մոտ 1/2-ը։ Կա բամբակեղենի, սննդի, ծխախոտի, կաշվի, թղթի, ցեմենտի, ապակու, քիմիական և դեղագործական, էլեկտրատեխնիկական արդյունաբերություն, մետաղամշակություն ու մեքենաշինություն, նավթավերամշակություն։ ՍՍՀՍ օգնությամբ նրա մոտ կառուցվում է մետալուրգիական խոշոր գործարան։ Ափամերձ շրջաններում, գոլորշիացման միջոցով, ստանում են աղ։ Կարաչիում են գտնվում հիմնական բանկերի, ապահովագրական և առևտրական ընկերությունների, բորսաների վարչությունները, կան ուսումնական հաստատություններ, այդ թվում՝ համալսարան, ԳՀԻ-ներ և այլն։ Գործում է Պակիստանի ազգային թանգարանը։ Կարաչին առաջացել է XVIII դարի սկզբին՝ բելուջների ձկնորսական ավանի տեղում։ 1843 թվականին զավթել են անգլիացիները և դարձրել Սինդ նահանգի վարչական կենտրոն։ XIX դարի 2-րդ կեսին դարձել է Մեծ Բրիտանիայի ռազմածովային բազա։ 1947-1959 թվականներին եղել է Պակիստանի մայրաքաղաքը։ Քաղաքի գործարար մասում (Բանդեր-ռոդ և Մակլեոդ-ռոդ փողոցներ) հիմնականում XIX-XX դարերի կառույցներն են՝ գերագույն դատարանը, «Ինտերքոնթինենթալ» հյուրանոցը, պետական բանկը և այլն։ Բանդեր-ռոդ փողոցից հյուսիս-արմուտք մինչև Լայարի գետը հին քաղաքն է՝ 1-2 հարկանի տներով, նեղ փողոցներով։ Համալսարանը հիմնադրվել է 1951 թվականին, գեղարվեստի կենտրոնը՝ 1960 թվականին։

Լուսանկարներ[խմբագրել]

Աղբյուրներ[խմբագրել]