Հոնկոնգ

Վիքիպեդիայից՝ ազատ հանրագիտարանից


Հոնկոնգ հատուկ վարչական շրջան
中華人民共和國香港特別行政區
中华人民共和国香港特别行政区

Zhōnghuá Rénmín Gònghéguó-Xiānggǎng Tèbié Xíngzhèngqū

Հոնկոնգի դրոշ
Դրոշ

Հոնկոնգի զինանշան
Զինանշան

Hong Kong in China (zoomed) (+all claims hatched).svg

Հիմնական տեղեկություններ
Պետական լեզու չինարեն և անգլերեն
Մայրաքաղաք չկա
Պետական կարգ կախյալ տարածք
Մակերես 1 104 կմ²
Ազգաբնակչություն. (2013) 7 182 724 (6480/կմ²)
Պետական ատրիբուտներ
Հիմն «Կամավորների երթ»
Արժույթ Հոնկոնգյան դոլար (HKD)
Ժամային գոտի +8
Վեբ | ISO | Հեռ. .hk | HKG | +852
Hk-map.png


Հոնկոնգ[1] հատուկ վարչական շրջան[2] չինարեն գրությամբ՝香港特別行政區, չինարեն գրությամբ՝ 香港特别行政区, կրճատ՝ 香港 - Չինաստանի հատուկ վարչական շրջան, Ասիայի և աշխարհի առաջատար ֆինանսական կենտրոններից մեկը։

Տեղակայված է Կոուլունի թերակղզու վրա, արևմուտքից, հարավից և արևելքից շրջապատված է Հարավ-Չինական ծովով, ինչպես նաև ավելի քան 260 կղզիների վրա, որոնցից ամենախոշորը Հոնկոնգ (այնտեղ են գտնվում կենտրոնական իշխանության մարմինները և ֆինանսական հաստատությունները), Լանտաու և Լամմա կղզիներն են։ Հյուսիսից Հոնկոնգը սահմանակից է Գուանդուն նահանգի Չենչժեն հատուկ տնտեսական գոտուն։

Հոնկոնգն ընդունված է բաժանել երեք մասի՝ բուն Հոնկոնգ կղզին, Կոուլուն և նոր տարածքներ։ Հոնկոնգը մտնում է Չժուցյան գետի ճյուղաբերանի տարածաշրջանի մեջ՝ գտնվելով նրա գետաբերանի ձախ ափին։

1842թ. Հոնկոնգը գրավվել է Անգլիայի կողմից։ Մնացել է որպես Անգլիայի գաղութ մինչև 1997թ., երբ տարածքի նկատմամբ գերիշխանությունը փոխանցվել է Չինաստանին։ Չինաստանի և Մեծ Բրիտանիայի կողմից ընդունված համատեղ հռչակագրի և Հոնկոնգի հիմնական օրենքի համաձայն մինչև 2047թ. տարածքին տրված է լայն ինքնավարություն։ Չինաստանին է պատկանում պաշտպանության և արտաքին քաղաքականության տնօրինումը, մինչդեռ Հոնկոնգին են վերապահված ներքին օրենսդրության, ոստիկանության, ֆինանսական քաղաքականության, հարկային և մաքսային քաղաքականության ոլորտները։

Հոնկոնգի համայնապատկերը

Ծանոթագրություններ[խմբագրել]

  1. Հովհաննես Բարսեղյան (2006)։ "Աշխարհագրական անունների հայերեն տառադարձության մասին որոշում", Տերմինաբանական և ուղղագրական տեղեկատու։ Երևան: 9-րդ հրաշալիք, 51։ ISBN 99941-56-03-9։ 
  2. Հոնկոնգ անվանումը առաջացել է չինարենի կանտոնի բարբառով տարածքի ինքնանվանումից՝ Հոնկոն (չին.՝ 香港), ինչը թարգմանաբար նշանակում է «Բուրումնավետ նավահանգիստ». նախկինում այստեղից արտահանում էին տարբեր համեմունքներ և բուրումնավետ նյութեր։ Սակայն Չինաստանի պաշտոնական լեզվով, որը հիմնված է չինարենի հյուսիսային բարբառների վրա, նույն հիերոգլիֆները կարդացվում են որպես Սյանգան։