Կարս

Այս եզրի այլ գործածումների համար տես՝ Կարս (այլ կիրառումներ)

Քաղաք Կարս Kars Կարսի համայնապատկերը 40.606944, 43.09305640°36′25″ հս. լ. 43°05′35″ ավ. ե.40.606944° հս. լ. 43.093056° աե. ե. Երկիր ԹուրքիաԹուրքիա Նահանգ ԿարսԿարս Քաղաքապետ Նեվզաթ Բոզկուշ Բարձր. ծովի մակ-ից 1760 մ Բնակչություն 76 992 մարդ (2007) Խտություն 47,05 մարդ/կմ² Հեռախոսային կոդ +90 474 Փոստային ինդեքս 36100 Ավտոմոբիլային կոդ 36 Պաշտոնական կայք հղում Նյութեր Վիքիպահեստում

Կարս (նաև՝ Ղարս), քաղաք Թուրքիայի Հանրապետության արևելյան մասում պատմական Արևմտյան Հայաստանում, Կարսի նահանգ մայրաքաղաքն է:

Պատմություն

Հնում Կարսը մտնում էր Այրարատ աշխարհի Վանանդ գավառի մեջ: Նրա առաջին տերերը Վանանդի նախարարներն էին: Կարսը նրանց գլխավոր բերդն ու նստավայրն էր: 928 թվականին Կարսը դարձավ Հայաստանի մայրաքաղաք: 961 թվականին մայրաքաղաքը տեղափոխվեց Անի, իսկ Կարսը մնաց Բագրատունիների կրտսեր ճյուղի` Կարսի կամ Վանանդի ֆեոդալական թագավորության մայրաքաղաքը: 9-րդ դարից մինչև 13-րդ դարի մոնղոլական արշավանքները, Կարսը զգալիորեն առաջադիմեց: Այդ ժամանակներում է կառուցվել հայտնի անառիկ բերդը:

Կարսը, ինչպես և Հայաստանի միջնադարյան շատ քաղաքներ, սկզբում բերդ է եղել, և հայ պատմիչներն այն հենց այդպես էլ ներկայացնում են` «Բերդ Կարուց»: 9—13-րդ դարերում բերդի շուրջն էլ ծավալվել է քաղաքը, իսկ այն վերածվել է միջնաբերդի: Հետագայում, պարսկա–թուրքական տիրապետության մռայլ ժամանակներում, Կարսի հայկական բերդը, որը գտնվում է քաղաքի արևելյան մասում, շարքից դուրս է եկել: Սակայն թուրքերը, հաշվի առնելով Կարսի սահմանամերձ լինելը, այն պարբերաբար ամրացրել են պաշտպանական նոր կառույցներով: Ամրակայվող աշխատանքները շարունակվել են այն աստիճանի, որ Կարսը, որպես ամրություն, 19-րդ դարի կեսերին համարվում էր աշխարհում հռչակ ունեցող բերդ:

Քույր քաղաքներ

Կարսի քույր քաղաքներն են.

• Գանձակ, Ադրբեջան
• Վեզել, Գերմանիա
• Քութայիս, Վրաստան
• Կիրքենես, Նորվեգիա
• Բուրսա, Թուրքիա
• Էդիրնե, Թուրքիա