Բերկրի

Վիքիպեդիայից՝ ազատ հանրագիտարանից
Բերկրի։ Տեսարան Սբ. Ստեփանոս վանքից։
Բերկրիի ջրվեժը

Բերկրի՝ քաղաք Վասպուրական նահանգի Առբերանի գավառում։ Գնունիների նախարարական տիրույթն էր։

Այժմ՝ գյուղաքաղաք Թուրքիայի Վան նահանգում, Վան քաղաքից 75 կմ. հյուսիս-արևելք, Բերկրի գետի ափին։ 1930-ական թվականներին վերանվանված է թուրքական կառավարության կողմից, այժմյան անունն է Մուրադիե։

XX դարի սկզբում ուներ 2100 հայ բնակիչ։ Հայերի մեծ մասը զոհվեցին Մեծ Եղեռնի տարիներին, սակավաթիվ փրկվածները ապաստան գտան զանազան երկրներում։

Բերկրիում է գտնվում Սուրբ Ստեփանոս վանքը (պահպանվել է կիսավեր վիճակում)։