Արամ Ա

Վիքիպեդիայից՝ ազատ հանրագիտարանից
Արամ Ա. Քեշիշյան
Aram I.JPG
Մեծի Տանն Կիլիկիո կաթողիկոս
 մարտի 1, 2012
Նախորդող Գարեգին Ա
 
Մասնագիտություն՝ քահանա
Քաղաքացիություն հայ
Դավանանք քրիստոնեություն
Ծննդյան օր մարտի 8, 1947 (69 տարեկան)
Ծննդավայր Բեյրութ

Արամ Ա Քեշիշյան Մեծի տանն Կիլիկիո կաթողիկոս:

Կենսագրություն[խմբագրել | խմբագրել կոդը]

Արամ Ա. Քեշիշյանը ծնվել է 1947 թվականի մարտի 8-ին Լիբանանի մայրաքաղաք Բեյրութում:

Կրթություն[խմբագրել | խմբագրել կոդը]

Արամ Ա-ն նախնական կրթություն է ստացել Լիբանանի Մեսրոպյան վարժարանում։ 1965 թվականին ավարտել է Անթիլիասի Մեծի Տանն Կիլիկիո Կաթողիկոսության Դպրեվանքի ժառանգավորաց բաժինը, իսկ 1968 թվականին ավարտել է Անթիլիասի Մեծի Տանն Կիլիկիո Կաթողիկոսության Դպրեվանքի ընծայարանի բաժինը: 1968-1978 թվականներին հաջորդաբար սովորել է Մերձավոր արևելքի Աստվածաբական ճեմարանում, Բեյրութի Ամերիկյան համալսարանում, Շվեյցարիայի Պոսե Էկումենիկ հաստատությունում, Օքսֆորդի համալսարանի արևելագիտության բաժնում և Նյու Յորքի Ֆորդհամի համալսարանում: Ստացել է Աստվածաբանության Մագիստրոսի, Եկեղեցական Պատմության Մագիստրոսի և Փիլիսոփայության Դոկտորի կոչումներին:

Եկեղեցական գործունեություն[խմբագրել | խմբագրել կոդը]

1970 թվականին ավարտելով կրթությունը Անթիլիասի Մեծի Տանն Կիլիկիո Կաթողիկոսության Դպրեվանքի ընծայարանի բաժնում Խորեն Ա. Կաթողիկոսի ձեռամբ ստացել է Վարդապետական աստիճան: 1978 թվականին երբ դեռ ուսանում էր ԱՄՆ-ում ընտրվել է Լիբանանի Հայոց Թեմի առաջնորդական տեղապահ, իսկ 1979 թվականին Լիբանանի Հայոց Թեմի առաջնորդ: 1980 թվականի մայիսին ստացել է Վարդապետության ծայրագույն աստիճան: Վարդապետության ծայրագույն աստիճան ստանալու հաջորդ օրը Գարեգին Ա Կաթողիկոսի ձեռամբ դարձել է Եպիսկոպոս։ Մինչև ԱՄՆ ուսման մեկնելը Արամ Ա-ն Անթիլիասի Մայրավանքում ստացել է Անթիլիասի Մարտիկյան վարժարանի փոխտեսուչի, Անթիլիասի դպրեվանքի տեսուչի օգնականի և փոխտեսուչի պաշտոնները: 1972-1975 թվականներին դարձել է Անթիլիասի դպրեվանքի աստվածաբանության դասախոս: Արամ Ա-ն 1974 թվականին կարևոր դեր է ունեցել Մերձավոր Արևելքի Եկեղեցիների Խորհրդի կառույցի վերակազմակերպման աշխատանքներին, և նույն տարում դարձել է այդ խորհրդի Գործադիր Վարչության անդամ։ 1977 թվականին նշանակվել է Վիեննայում Մեծի Տանն Կիլիկիո Կաթողիկոսության ներկայացուցիչ: 1970 թականին դարձել է Եկեղեցիների Համաշխարհային խորհրդի երիտասարդական բաժանմունքի ապա «Հաւատք և Կարգ» հանձնաժողովի գործադիր ղեկավար: 1978 թվականին Արամ Ա. ստացել է Լիբանանի Հայոց Առաջնորդի պաշտոնը։ Արամ Ա-ն Մեծի Տանն Կիլիկիո կաթողիկոս է դարձել 1995 թվականի հունիսի 28-ին։ Օծումը տեղի է ունեցել 1995 թվականի հուլիսի 1-ին: Կաթողիկոս դառնալուց հետո Արամ Ա-ն լուծել է Մեծի Տանն Կիլիկիո Կաթողիկոսության առաքելության վերակազմակերպման և վերածաղմկան աշխատանքները:

Աշխատանքային գործունեություն[խմբագրել | խմբագրել կոդը]

  • 1968 թ.` Անթիլիասի դպրեվանքի փոխտեսուչ:
  • 1968 թ.` Անթիլիասի Մայրավանքի աստվածաբանության դասախոս:
  • 1972-1975 թթ.` Բեյրութի Հայկազյան համալսարանի դասախոս:
  • 1974 թ.` Մերձավոր Արևելքի Եկեղեցիների Խորհուրդի գործադիր վարչության անդամ:
  • 1974-1975 թթ.` Բեյրութի Ամերիկյան համալսարանի դասախոս:
  • 1975 թ.` Կիլիկիո կաթողիկոսարանի միջեկեղեցական հարաբերությունների ընդհանուր քարտուղար:
  • 1977 թ.` Վիեննայի Էկումենիկ կազմակերպությունում Մեծի Տանն Կիլիկիո կաթողիկոսության ներկայացուցիչ:
  • 1978 թ.` Միացյալ Նահանգներում Լիբանանի հայկական թեմի առաջնորդական տեղապահ:
  • 1978 թ.` Լիբանանի հայկական թեմի առաջնորդ:
  • 1979-1995 թթ.՝ Միացյալ Նահանգներում Լիբանանի հայկական թեմի առաջնորդ:
  • 1983 թ.` Եկեղեցիների Համաշխարհային Խորհրդի վարչության անդամ:
  • 1994 թ.` World Religions Museum Foundation միջազգային կազմակերպության պատվավոր նախագահ:
  • 1998 թ.` Եկեղեցիների Համաշխարհային Խորհրդի ատենապետ:
  • 2006 թ.՝ World Religions for Peace միջազգային կազմակերպության նախագահ:

Եկեղեցական պաշտոններ[խմբագրել | խմբագրել կոդը]

  • 1970 թ.` վարդապետ
  • 1980 թ.` եպիսկոպոս
  • 1985 թ.` արքեպիսկոպոս
  • 1995 թ.` կաթողիկոս

Գիտական աշխատություններ[խմբագրել | խմբագրել կոդը]

աշխատություն վայր թվական լեզու
Ներսես Շնորհալի - Աստուածաբանու Էքիւմէնիստ Բեյրութ 1974 հայերեն
Հայաստանեայց Եկեղեցւոյ Ճշմարիտ Դիմագիծը Անթիլիաս 1979 հայերեն
Վերականգնումի Կամքով Բեյրութ 1983 հայերեն
Ժողովուրդին հետ Անթիլիաս 1989 հայերեն
Դէպի 1700-ամեակ Սուրբ Թադէի Ճամբով Անթիլիաս 1996 հայերեն
Որդի Աստուծոյ, Որդի Մարդոյ Անթիլիաս 1999 հայերեն
Ազգ, Եկեղեցի, Հայրենիք Անթիլիաս 1999 հայերեն
Հաւատքի Առաքելութիւն Անթիլիաս 2003 հայերեն
Տէր Զօր: Համազգային Ուխտատեղի Անթիլիաս 2005 հայերեն
Ծառայութեան Մեծութիւնը Անթիլիաս 2005 հայերեն
Կեանքը Արժէքներով Իմաստաւորել Անթիլիաս 2009 հայերեն
The Witness of the Armenian Church in a Diaspora Situation Նյու Յորք 1978 հայերեն
Conciliar Fellowship Ջենովա 1991 հայերեն
Orthodox Perspectives on Mission Օքսֆորդ 1992 հայերեն
The Challenge to be a Church in a Changing World Նյու Յորք 1997 հայերեն
In search of Ecumenical Vision Անթիլիաս 2000 հայերեն
L’eglise Face aux Grands defis Անթիլիաս 2000 հայերեն
The Armenian Church Beyond the 1700th Anniversary Անթիլիաս 2002 հայերեն
Justice, Paix, Reconciliation Անթիլիաս 2003 հայերեն
The Christian Witness at the Crossroads in the Middle East Անթիլիաս 2004 հայերեն
For a Church Beyond its Walls Անթիլիաս 2006 հայերեն
Pour un Monde Transforme Անթիլիաս 2006 հայերեն
Dialogue with Youth Montreal Մոնրեալ 2009 անգլերեն, Ֆրանսերեն
Enriching Life with values Անթիլիաս 2009 հայերեն
St. Nerses the Gracious and Church Unity Անթիլիաս 2010 անգլերեն
A Journey of Faith, Hope and Vision Անթիլիաս 2011 անգլերեն
Taking the Church to the People Անթիլիաս 2011 հայերեն

Աղբյուրներ[խմբագրել | խմբագրել կոդը]