Սիմոն Սիմոնյան

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տե՛ս՝ Սիմոն Սիմոնյան (այլ կիրառումներ)
Սիմոն Սիմոնյան
արմտ. հայ.՝ Սիմոն Սիմոնեան
Simon Simonian.jpg
Ծնվել է1914 մարտի 24
ԾննդավայրԱյնթապ, Aintab Sanjak, Հալեպի վիլայեթ, Օսմանյան կայսրություն[1]
Վախճանվել էմարտի 24, 1986(1986-03-24) (տարիքը 72)
Վախճանի վայրԱնթիլիաս, Լիբանան
Մասնագիտությունգրող, ուսուցիչ և հրապարակախոս
Լեզուհայերեն[2]
Ազգությունհայ
ՔաղաքացիությունԼիբանան

Սիմոն Օվեի Սիմոնյան (Simon Simonian, մարտի 11 (24), 1914, Այնթապ, Aintab Sanjak, Հալեպի վիլայեթ, Օսմանյան կայսրություն[1] - մարտի 11, 1986(1986-03-11), Բեյրութ, Լիբանան), սփյուռքահայ արձակագիր, դասագրքերի հեղինակ, խմբագիր, հրապարակախոս, մանկավարժ, բանասեր։ «Սփյուռք» շաբաթաթերթի և «Սևան» տպագրատան ու հրատարակչատան (Բեյրութ) հիմնադիրն է։

Կենսագրություն[խմբագրել | խմբագրել կոդը]

1930 թվականին ավարտել է Հալեպի կրթասիրաց վարժարանը, 1935 թվականին՝ Անթիլիասի դպրեվանքը։ 1935-1946 թվականներին ուսուցչություն է արել Հալեպի Հայկազյան և Կյուլպենկյան վարժարաններում, 1946-1955 թվականներին՝ Անթիլիասի դպրեվանքում, 1947-1960 թվականներին, միաժամանակ՝ Բեյրութի Դարուհի Հակոբյան և Հովակիմյան-Մանուկյան վարժարաններում, 1946 թ. «Սևան» պարբերագրքի խմբագիր, 1947-1955 թվականներին՝ «Հասկ» թերթի խմբագրապետ, 1958-1974 թվականներին՝ «Սփյուռք» շաբաթաթերթի խմբագիր։ Մի շարք ժողովածուների («Լեռնականներու վերջալոյսը»[3], «Սիփանայ քաջեր»[4] (Ա և Բ հատորներ), «Լեռ եւ ճակատագիր»[5]) և վեպերի («Խմբապետ Ասլանին աղջիկը» և «Անժամանդրոս»)[6] հեղինակ է։

1955 թվականին Բեյրութում հիմնադրել է «Սևան» տպարանը[7] և նույնանուն «Սևան» հրատարակչությունը[8]) /Սևան տպարան/, որտեղ տպագրվել են շուրջ 500[9] դասագրքեր, գրական-գեղարվեստական, գիտաբանասիրական, թարգմանչական և բազմաբնույթ այլ գրքեր։

Սիմոնյանը կազմել է նաև հայոց պատմության, մայրենի լեզվի («Արագած», համահեղինակ՝ Օննիկ Սարգիսյան[10]), աշխարհագրության (համահեղինակներ՝ Երուանդ Պապայան և Օննիկ Սարգիսյան) և քերականության (համահեղինակ՝ Սարգիս Պալյան) դասագրքեր[11], գրել բանասիրական ուսումնասիրություններ («Արեւելահայ գրողներ», 1965, «Արեւելահայ գրականութիւն», 1965, «Հին հայ մատենագրութիւնը որպէս ենթահող արդի հայ գրականութեան», 1975, «Նորայայտ տաղասաց մը Ստեփանոս Դաշտեցի», 1981)։

Գրքեր[խմբագրել | խմբագրել կոդը]

  • «Կը խնդրուի... խաչաձեւել» (1965)
  • «Խմբապետ Ասլանին աղջիկը» (1967)
  • «Սիփանայ քաջեր» (Ա և Բ հատորներ, 1967 և 1970)
  • «Լեռնականներու վերջալոյսը» (1968)
  • «Լեռ եւ ճակատագիր» (1972)
  • «Անժամանդրոս» (1978 եւ 1998)

Գրականություն[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. ↑ 1,0 1,1 1,2 German National Library, Berlin State Library, Bavarian State Library, Austrian National Library Record #1034540157 // Общий нормативный контроль (GND) — 2012—2016.
  2. ↑ Bibliothèque nationale de France идентификатор BNF (ֆր.): տվյալների բաց շտեմարան — 2011.
  3. ↑ Թեհմինա Մարության/Սիմոն Սիմոնյանի «Լեռնականներու վերջալույսը» ժողովածուն - See more at: http://mirhav.blogspot.com/2015/07/Tehmina-Marutyan-Simon-Simonyani-Lernakanneru-verjaluysy-jorovatsun.html#sthash.nuDeVg3r.dpuf 
  4. ↑ Գոհար Հարությունյան «Սիփանա քաջերն ընդդեմ նահանջի» http://kantegh.asj-oa.am/2357/1/46.pdf
  5. ↑ Համո Սահյանի նամակը Սիմոն Սիմոնյանին See more at: http://mirhav.blogspot.com/2015/07/grakan-namakani-Hamo-Sahyani-namaky-Simon-Simonyanin.html 
  6. ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007 
  7. ↑ http://www.haigazian.edu.lb/ADRC/Documents/CombinedBook.pdf Անդրանիկ Տագէսեան «Սփիւռքահայ Հաղորդակցական Իւրօրինակ Ցանց Մը . 1940-80 ականներուն Սիմոն Սիմոնեանի Սեւան Հրատարակչական Տան Հայերէն Դասագիրքերը», էջ 117 
  8. ↑ http://www.bibliotheque-eglise-armenienne.fr/catalogues/am_auteur.php?cle=%D5%BD%D5%AB%D5%B4%D5%B8%D5%B6%D5%A5%D5%A1%D5%B6-%D5%BD%D5%AB%D5%B4%D5%B8%D5%B6 
  9. ↑ Ժիրայր Դանիելյան, «Գրական որոնումներ», Սիմոն Սիմոնյան բանասէրն ու գրահրատարակիչը, Անթիլիաս 2007, էջ 76 
  10. ↑ http://www.bibliotheque-eglise-armenienne.fr/catalogues/am_auteur.php?cle=%D5%BD%D5%A1%D6%80%D5%A3%D5%AB%D5%BD%D5%A5%D5%A1%D5%B6-%D6%85 
  11. ↑ Ասատուր Կիւզելյան, «Կը խօսին նամակները», Լիբանան, 2014, էջ 18 
Ստացված է «https://hy.wikipedia.org/w/index.php?title=Սիմոն_Սիմոնյան&oldid=7523107» էջից