Միհրան Աղազարյան

Վիքիպեդիայից՝ ազատ հանրագիտարանից
Jump to navigation Jump to search
Միհրան Աղազարյան

Միհրան Կարապետի Աղազարյան (1892–1933), սփյուռքահայ հասարակական գործիչ, հրապարակագիր, խմբագիր, մանկավարժ։

Կենսագրություն[խմբագրել | խմբագրել կոդը]

Ծնվել է սեպտեմբերի 5-ին, Զեյթունի Ալբիստան քաղաքում Կիլիկիա։ Սովորել է Կ. Պոլսի Ազգային կեդրոնական վարժարանում 1909–1914 թթ.։ Եղել է հնչակյան կուսակցության անդամ։

Հոդվածներ[խմբագրել | խմբագրել կոդը]

Հոդվածներ է տպագրել Կ. Պոլսի «Կայծ» ամսագրում։ 1915 թվականին աքսորվել է Դեր Էլ Զոր, իսկ պատերազմից հետո որպես ուսուցիչ աշխատել է Մարաշի ազգային վարժարանում և Մերձավոր Արևելքի որբանոցներում։ 1924 թվականից բնակվել է Բեյրութում։ 1926 թվականին, դաշնակցության դեմ բուռն պայքարի պայմաններում, ընտրվել է Լիբանանի ազգային գավառական ժողովի անդամ։

1921-1928 թվականներին ֆրանսիական գաղութային իշխանությունները բանտարկել են Աղազարյանին որպես առաջադեմ գործչի։ Աղազարյանը եղել է Լիբանանում լույս տեսնող «Լիբանան» և «Ժողովուրդ» թերթերի խմբագիր և դրանց էջերում պրոպագանդել է Խորհրդային Հայաստանի նվաճումները, սոցիալիզմի գաղափարները։ Հրատարակել է «Ինչպես կգողնան» 1926 թ., «Սիսի վերջին աթոռակալը և իր մեղապարտ գավառականը» 1926 թ. և այլ գրքեր։ Աղազարյանին սպանել են դաշնակցական տեռորիստները, 1933 թվականի հոկտեմբերի 11-ին, Բեյրութում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png