Հակոբ Նորունի

Հակոբ Նորունի
Ծննդյան անուն	Հակոբ Լևոնի Նորաշխարհյան
Ծնվել է	դեկտեմբերի 8, 1926(1926-12-08)
Ծննդավայր	Յողունօլուք, Սամանդաղ, Հաթայի մարզ, Թուրքիա
Վախճանվել է	հուլիսի 4, 1985(1985-07-04) (58 տարեկան)
Մասնագիտություն	բանաստեղծ, արձակագիր և դրամատուրգ
Կրթություն	Մխիթարյան վարժարան և Սուրբ Ժոզեֆի համալսարան
Անդամակցություն	ԽՍՀՄ Գրողների միություն
Աշխատավայր	Արարատ և ՀՀ ԳԱԱ
Հակոբ Նորունի Վիքիդարանում

Հակոբ Նորունի (Հակոբ Լևոնի Նորաշխարհյան, 1926, դեկտեմբերի 8 - 1985, հուլիսի 4), հայ բանաստեղծ, արձակագիր, դրամատուրգ, ԽՍՀՄ գրողների միության անդամ 1976 թվականից։

Կենսագրություն

Ծնվել է Մուսա լեռան Յողունօլուք գյուղում։ Նախնական կրթությունը ստացել է Մուսա լեռան Նոր Զեյթուն գյուղում, ապա Հալեպի Մխիթարյան վարժարանում և ֆրանսիական լիցեյում։ Հետագայում ավարտել է Բեյրութի ֆրանսիական համալսարանը։ 1956-1965 թվականներին եղել է Բեյրութի «Արարատ» գրական ամսագրի գլխավոր խմբագիրը։ Բեյրութում Հ. Նորունին աշխատել է նաև իբրև հյուրանոցի տնօրեն։ 1975 թվականին ներգաղթել է Հայաստան և բնակություն հաստատել Երևանում։ 1982-1985 թվականներին աշխատել է ՀԽՍՀ ԳԱ սփյուռքահայ համայնքների պատմության և մշակույթի բաժնում որպես ավագ գիտաշխատող։ Մահացել է Երևանում ։

Հ. Նորունու երկերի մատենագրությունը

• Դողդոջ կայծեր (բանաստեղծություններ), Հալեպ, 1943, 120 էջ։
• Իշխանը (դրամա), Հալեպ, «Սեր Սահակյան» տպարան, 1944, 28 էջ։
• Սահմանագլուխ (բանաստեղծություններ), Բեյրութ, 1959, 90 էջ։
• Երջանկության ճամփան... (թատերախաղ 5 արարով), Բեյրութ, տպարան Տոնիկյան, 1966, 48 էջ։
• Ինչ շուտ փոխվեցար (դրամա), Բեյրութ, 1966, 40 էջ։
• Նամակ ամերիկահայ բարեկամիս։ Ապրումներ, տպավորություններ, Բեյրութ, 1966, 90 էջ։
• Հրաչյա Քոչարի «Սպիտակ գիրքը» (գնահատական-վերլուծական փորձ), Բեյրութ, տպարան «Սևան», 1967, 58 էջ։
• Վարձու պուպրիկներ (պատմվածքներ), Բեյրութ, 1970, 180 էջ։
• Մեղքի արահետեն (պատմվածքներ), Երևան, «Սովետական գրող», 1977, 170 էջ։
• Տարիներիս ապագան (բանաստեղծություններ), «Սովետական գրող», 1983, 116 էջ։

Արտաքին հղումներ

• Հակոբ Նորունի