Հյուրանոց

Վիքիպեդիայից՝ ազատ հանրագիտարանից
Disambig.svg Անվան այլ կիրառումների համար տես՝ Հյուրանոց (այլ կիրառումներ)
Հյուրանոց

Հյուրանոց, կարճաժամկետ հիմունքներով վճարի դիմաց գիշերակաց տրամադրող հաստատություն։ Ավտոտուրիստների հյուրանոցը կոչվում է մոթել։ Առաջին հյուրանոցները ստեղծվել են հին աշխարհի երկրներում, սովորաբար ուխտավայրերում, մայրուղիներին մոտիկ, խոշոր առևտրական կետերում։ Կապիտալիզմի զարգացմանը զուգընթաց կազմավորվել է քաղաքային հյուրանոցի ժամանակակից տիպը, որպես կենտրոնական նախասրահի, միջանցքների շուրջը դասավորված ննջարան-համարների, սպասասրահների, ռեստորանի ու օժանդակ սպասարկման սենյակների համակարգ։

Նորագույն շրջանի Հայաստանում առաջին հյուրանոցները կառուցվել են 1926-1932 թվականներին։ Երևանում՝ «Ինտուրիստ» (այժմ՝ Ռոյալ Թուլիփ Գրանդ Հոթել, «Սևան» (երկուսն էլ կառուցվել է ճարտարապետ Նիկողայոս Բունիաթյանը) և Գյումրիում՝ «Լենինական» (ճարտարապետ Դ. Չիսլյան), հետագայում՝ նաև Վանաձորում, Կապանում, Ալավերդիում, Վաղարշապատում և այլուր։ 1950-1970 ական թվականներին կառուցվել են Երևանում՝ «Արմենիա Մարիոթ» (ճարտարապետ Մարկ Գրիգորյան), «Անի Պլազա Հոթել» (ճարտարապետներ՝ Ֆենիքս Դարբինյան, Ֆելիքս Հակոբյան, Էդուարդ Սաֆարյան) և «Դվին» (ճարտարապետներ՝ ԱշոտԱլեքսանյան, Ֆելիքս Հակոբյան, Էդուարդ Սաֆարյան), Լենինականում (ճարտարապետ Դ. Դազազյան), Դիլիջանում (ճարտարապետ Հ. Աչյան), Ստեփանավանում (ճարտարապետ Շ. Սահակյան), Իջևանում (ճարտարապետ Պ. Թումանյան), Արտաշատում ( ճարտարապետ Ե. Մելիքյան) և այլն։

Արտաքին հղումներ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 458 CC-BY-SA-icon-80x15.png