Սուրբ Աստվածածին եկեղեցի (Բուրջ Համուդ)
| Սուրբ Աստվածածին եկեղեցի | |
|---|---|
| Հիմնական տվյալներ | |
| Տեսակ | եկեղեցի |
| Երկիր |  Լիբանան |
| Տեղագրություն | Բուրջ Համուդ, Մաթնի շրջան և Լեռնային Լիբանան |
| Դավանանք | Հայ Առաքելական Եկեղեցի |
| Թեմ | Լիբանանի թեմ |
| Հիմնական ամսաթվերը | 1929 |
| Ժառանգության կարգավիճակ | Մեծի Տանն Կիլիկիո Կաթողիկոսություն |
| Հիմնադրված | 1929 |
 | |
 | |
| 33°53′28″N 35°32′35″E / 33.890978°N 35.543052805556°E | |
Անվան այլ կիրառումների համար տե՛ս՝ Սուրբ Աստվածածին եկեղեցի (այլ կիրառումներ)
Սուրբ Աստվածածին եկեղեցի, Բուրջ Համուդ քաղաքում գտնվող կրոնական կառույց։ Պատկանում է Մեծի Տանն Կիլիկիո կաթողիկոսության Լիբանանի թեմին։ Կազմակերպում է Լիբանանի Բուրջ Համուդ քաղաքում բնակվող առաքելական հայության մի մասի հոգևոր կյանքը։ Հանդիսանում է քաղաքի երեք առաքելական եկեղեցիներից մեկը՝ Սուրբ Սարգիս, սրբոց Վարդանանց և սրբոց Քառասնից Մանկանց եկեղեցիների հետ միասին[1]։
Պատմություն
[խմբագրել | խմբագրել կոդը]Ի հիշատակ Ադանայի համանուն եկեղեցու, 1929 թվականին հիմնադրվեց Սուրբ Աստվածածին եկեղեցին: Խորեն կաթողիկոսի և ազգային կազմակերպությունների ջանքերի շնորհիվ, Սուրբ Աստվածածին եկեղեցին հետագայում ստացավ իր հոյակապ կոթողանման կառույցը:
Հին եկեղեցու գույքի ընդլայնման գործընթացը շարունակվել է հաջորդական թաղային խորհուրդների ջանքերով, մինչև որ 455 քմ տարածք ունեցող ազգապատկան գույքը հասել է 1280 քմ մակերեսի:
Գույքի այդ ընդլայնման հիշատակելի փուլերից մեկն է եղել Եղիա Մեքիքյանի մի տան նվիրատվությունը: Հետագայում այդ տնից գոյացած 10,000 լիբանանյան ոսկով ձեռք է բերվել հարավային մուտքի ձախ կողմի գույքը՝ իր երկու սենյակներով, որոնցից առաջինը դարձել է թաղային խորհրդի ժողովների վայր, և ամբողջացվել Աբգարյան դպրոցը երկրորդ հարկով:
Հողի վերջին ավելացումը տեղի ունեցել եկեղեցին կառուցող բարերար Պողոս Նաճարյանի խոստումով: 1964 թվականի սեպտեմբերի 9-ին տեղի է ունեցել Սուրբ Աստվածածին եկեղեցու հիմնաքարի արարողությունը՝ թեմի առաջնորդ Տ. Տաճատ Ս. Արք. Ուրֆալյանի նախագահությամբ և Պողոս Նաճարյանի ու նրա կնոջ բարերարությամբ: Եկեղեցու ճարտարապետը եղել է Գևորգ Էմմիյանը:
1987 թվականին Ամենայն Հայոց Կաթողիկոս Վազգեն Ա-ն մահից հետո Լիբանան է ուղարկել Սուրբ Հռիփսիմեի մասունքներից մի մասը, որը 1993 թվականին ամփոփվել է Հովսեփ և Ժորժետ Գալայճյանների բարերարությամբ կառուցված «Սուրբ Հռիփսիմեանց» մատուռի մեջ:
Եկեղեցու Առաջնորդական Աթոռի բարերարությունը կատարել են պարոն և տիկին Ժագ Գյուլեկճյանը, զանգակատանը՝ պարոն և տիկին Վահան Պուլղուրճյանը, իսկ մկրտության ավազանինը՝ Ադանայի Հայրենակցական Միությունը[2]:
Եկեղեցու հոգևոր հովիվներ
[խմբագրել | խմբագրել կոդը]- Հոգեշնորհ Տեր Գրիգոր քահանա Սահակյան
- Հոգեշնորհ Տեր Գուրգեն քահանա Եարալյան
- Հոգեշնորհ Տեր Արսեն Ա. քահանա Աշըգյան
- Հոգեշնորհ Տեր Զավեն քահանա Դեմիրճյան
- Հոգեշնորհ Տեր Հմայակ քահանա Մինոյան
- Հոգեշնորհ Տեր Տարոն քահանա Ստեփանյան
- Հոգեշնորհ Տեր Օշին Ա. քահանա Գևորգյան
- Հոգեշնորհ Տեր Նարեկ քահանա Հեջինյան
- Հոգեշնորհ Տեր Կոմիտաս քահանա Փանոսյան
- Հոգեշնորհ Տեր Մաշտոց քահանա Քեշիշյան
- Հոգեշնորհ Տեր Առաքել քահանա Տմտըմյան
- Հոգեշնորհ Տեր Խորեն քահանա Մելքոնյան
- Հոգեշնորհ Տեր Հակոբ քահանա Պզտիկյան
- Հոգեշնորհ Տեր Սուրեն քահանա Արսլանյան (ներկայիս հոգևոր հովիվ)[2]:
Սուրբ Աստվածածին եկեղեցու այժմյան թաղական խորհրդի անդամներն են՝ Հակոբ Տոնիկյան (ատենապետ), Հարութ Գույումջյան, Հակոբ Գազեզյան, Սարգիս Մարգարյան, Կարապետ Թոփեյան, Սարգիս Աննայան, Ավետիս Ապուսեֆյան, Լևոն Կարմիրյան և Հարութ Մխսյան:
2023 թվականի մարտի 12-ին տեղի է ունեցել թաղական խորհրդի ընտրություն: Նորընտիր թաղական խորհրդի անդամներն են՝ Հակոբ Տոնիկյան (ատենապետ), Հարութ Գույումջյան, Հարութ Մխսյան, Ջորջ Նալբանդյան, Վազգեն Քեչեջյան, Լութֆիկ Հակոբյան, Գևորգ Չիուքյուլյան, Միհրան Սահակյան և Սյուզան Օհանյան:
Ծանոթագրություններ
[խմբագրել | խմբագրել կոդը]- ↑ Լիբանանի թեմ. «Սրբոց Քառասնից Մանկանց, Պուրճ Համուտ». www.armprelacylb.org. Առաջնորդարան հայոց Լիբանանի.
- ↑ 2,0 2,1 «Ս․ Աստուածածին Եկեղեցի, (Նոր Ատանա)». Armenian Prelacy of Lebanon (ամերիկյան անգլերեն). 2023-02-26. Վերցված է 2024-10-23-ին.
