Հարություն Կալենց

Վիքիպեդիայից՝ ազատ հանրագիտարանից
Disambig.svg Անվան այլ կիրառումների համար տես՝ Կալենց (այլ կիրառումներ)
Picto infobox artiste.png
Հարություն Կալենց
Կալենց թանգարան.jpg
Ի ծնե Հարություն Խարմանդայան
Ծնվել է մարտի 27, 1910({{padleft:1910|4|0}}-{{padleft:3|2|0}}-{{padleft:27|2|0}})
Ծննդավայր Կյուրին, Թուրքիա
Վախճանվել է մարտի 7, 1967({{padleft:1967|4|0}}-{{padleft:3|2|0}}-{{padleft:7|2|0}}) (56 տարեկանում)
Մահվան վայր Երևան
Ազգություն հայ
Մասնագիտություն նկարիչ
Ժանր դիմապատկեր
Պարգևներ Հայկական ԽՍՀ վաստակավոր նկարիչ
Ամուսին Արմինե Կալենց
Զավակներ Սարո Գալենց

Հարություն Կալենց (Խարմանդայան, մարտի 27, 1910, Կյուրին - մարտի 7, 1967, Երևան), հայ նկարիչ, ՀԽՍՀ վաստակավոր նկարիչ։

Կենսագրություն[խմբագրել | խմբագրել կոդը]

Ծնվել է Թուրքիայի Կյուրին քաղաքում։ Մեծ եղեռնից հետո ապաստան է գտել Հալեպի որբանոցում, ապա տեղափոխվել է Բեյրութ։ Մասնագիտական կրթությունն ստացել է ֆրանսիացի նկարիչ Ժորժ Միշլեի արվեստանոցում։ Վերջինիս հետ ճանապարհորդել է Լիբանանի և Սիրիայի մի շարք վայրերում, ստեղծել կտավներ, որոնք ցուցադրվել են 1920-ական թվականների վերջերից։ Եղել է 1932 թվականին Լիբանանում ստեղծված «Արվեստի բարեկամների միության» հիմնադիր անդամներից և ամենամյա մասնակիցներից։ 1939 թվականին մասնակցել է Նյու Յորքի միջազգային ցուցահանդեսին, որտեղ Լիբանանաի տաղավարի համար արված նրա հարթաքանդակները արժանացել են պատվո դիպլոմի։ Եղել է 1942-ին ստեղծված «Լիբանանի նկարիչների միության» հիմնադիրներից։ Արտասահմանում ունեցել է անհատական մի շարք ցուցահանդեսներ։ 1946-ին իր տիկնոջ՝ նկարչուհի Արմինե Կալենցի հետ ներգաղթել է Հայաստան։ Մասնակցել է հանրապետական և միութենական բազմաթիվ ցուցահանդեսների։ Ունեցել է անհատական ցուցահանդեսներ Երևանում (1962), Մոսկվայում (1965)։ 1966-ին մասնակցել է Չեխոսլովակիայում կազմակերպված արվեստի տասնօրյակի ցուցահանդեսին, ապա Փարիզում կազմակերպված «Ուրարտուից մինչև մեր օրեր» ցուցահանդեսին։ 1967 թվականին ետմահու արժանացել է ՀԽՍՀ պետական մրցանակի։

Լավագույն գործերից են՝ «Գարուն», «Ծառ Զանգեզուրի ձորում», «Աշունը Հրազդանի ափին», «Ծաղիկներ», Մ. Պլիսեցկայայի, Ա. Գաբրիելյանի, Գևորգ Էմինի, Լավինիա Բաժբեուկ-Մելիքյանի և այլոց դիմանկարները և այլն[1]:

Հիշատակ[խմբագրել | խմբագրել կոդը]

2010 թվականի ապրիլի 27-ին՝ Հարություն Կալենցի 100 և Արմինե Կալենցի 90-ամյակի կապակցությամբ Երևանում բացվել է Կալենց թանգարանը։

Գրականություն[խմբագրել | խմբագրել կոդը]

  • Հարություն Կալենց. Ալբոմ-մենագրություն, 141 էջ, Երևան, 2010, ISBN 978-9994187751

Ծանոթագրություններ[խմբագրել | խմբագրել կոդը]

  1. Գառնիկ Ստեփանյան (1981). Կենսագրական բառարան, հատոր Բ. Երևան: «Սովետական գրող». էջ էջ 82.