Ռուբեն Ադալյան (պատմաբան)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տե՛ս՝ Ռուբեն Ադալյան (այլ կիրառումներ)
Ռուբեն Ադալյան
Ծնվել էհուլիսի 5, 1955(1955-07-05) (64 տարեկան)
Բեյրութ, Լիբանան
Ազգությունհայ
Մասնագիտությունպատմաբան
Գիտական աստիճանպատմական գիտությունների դոկտոր և պրոֆեսոր
Տիրապետում է լեզուներինհայերեն

Ռուբեն Պողոսի Ադալյան (հուլիսի 5, 1955(1955-07-05), Բեյրութ, Լիբանան), հայ պատմաբան (ԱՄՆ), պատմական գիտությունների դոկտոր (1985), պրոֆեսոր (1993)։

Կենսագրություն[խմբագրել | խմբագրել կոդը]

Ռուբեն Ադալյանը ծնվել է Բեյրութում: 1966 թվականից բնակվում է ԱՄՆ-ում: 1978 թվականին ավարտել է Կալիֆոռնիայի համալսարանի (Լոս Անջելես) պատմության ֆակուլտետը։ 1993 թվականից դասավանդում է Վաշինգտոնի Ջորջթաուն և Ջորջ Վաշինգտոն համալսարաններում (կարդում է Կովկասի, մասնավորապես, Անդրկովկասյան հանրապետությունների 19-րդ-20-րդ դդ. քաղաքական պատմությունը), 1996 թվականին՝ Միչիգանի (Էն Էրբոր) համալսարանում: Ամերիկայի Հայկական համագումարի հետազոտության և վերլուծության բաժնի տնօրենն է, "Monthly Digest of News from Armenia («Հայաստանի լուրերի ամենամսյա ամփոփագիր») պաշտոնաթերթի խմբագիրը։ 1995 թվականին եղել է Քեմբրիջի ժամանակակից հայագիտական ուսումնասիրությունների և փաստագրման Զորյան ինստիտուտի տնօրենների խորհրդի նախագահ, 1997 թվականից՝ Հայկական ազգային ինստիտուտի (Վաշինգտոն) տնօրեն, միաժամանակ՝ դասախոսել է Ջոն Հոպկինս համալսարանում[1]։

Ուսումնասիրությունների առարկան է հայերի ցեղասպանությունը, Հայ դատը, հայ սփյուռքի պատմությունը, հայ պատմագրության հարցերը (Նիկողայոս Ադոնց, Մխիթարյան միաբաններ և այլն)։ Հավաքել, ֆիլմագրել և հրատարակել է ԱՄՆ-ի արխիվներում պահպանված հայերի ցեղասպանության վերաբերյալ 37.000 էջ փաստաթուղթ ("Guide to the Armenian Genocide in the USA Archives, 1915-1918”, 1994)։

Երկեր[խմբագրել | խմբագրել կոդը]

  • The Historical Evolution of the Armenian Diaspora, ‘Journal of Modem Hellenism", 1989, N6։
  • The Armenian Genocide։ Context and Legacy, ‘Social Education", 1991, N2։
  • Remembering and Understanding the Armenian Genocide, Y, 1995

Ծանոթագրություններ[խմբագրել | խմբագրել կոդը]

  1. Ով ով է. Հայեր. Կենսագրական հանրագիտարան, հատոր առաջին, Երևան, 2005 
Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png