Քարահունջ (գյուղ)

Անվան այլ կիրառումների համար տե՛ս՝ Քարահունջ (այլ կիրառումներ)

Գյուղ
Քարահունջ
Երկիր	Հայաստան
Մարզ	ՍյունիքիՍյունիքի մարզ|Սյունիքի
Համայնք	Գորիս (համայնք) | Գորիս համայնք
Մակերես	19.16 կմ²
ԲԾՄ	1240 մ
Պաշտոնական լեզու	Հայերեն
Բնակչություն	1365 մարդ (2011)
Խտություն	19.16 մարդ/կմ²
Ազգային կազմ	Հայեր
Կրոնական կազմ	Հայ Առաքելական եկեղեցի
Ժամային գոտի	UTC+4
Քարահունջ (գյուղ) (Հայաստան)
Քարահունջ Վիքիպահեստում

Քարահունջ, գյուղ Հայաստանի Սյունիքի մարզի Գորիս համայնքում՝ հայ-ադրբեջանական շփման գծի հարևանությամբ։

Գորիս քաղաքից հեռու է մոտ 1 կմ դեպի հարավ, Վարարակ գետի աջ ափին, ծովի մակարդակից 1200-1300 մ բարձրության վրա։ Հեռավորությունը Կապան մարզկենտրոնից կազմում է մոտ 77 կմ։

Նույն անվան տակ ընդգրկված է եղել Ցարական Ռուսաստանի Ելիզավետպոլի նահանգի Զանգեզուրի գավառում։ Խորհրդային տարիներին մասն է կազմել Հայկական ԽՍՀ Զանգեզուրի գավառի, իսկ 1930 թվականից՝ Գորիսի շրջանի։ 1995 թվականից մտնում է Հայաստանի Սյունիքի մարզի մեջ։

Բնակչություն

Ըստ Հայաստանի 2011 թ. մարդահամարի արդյունքների՝ Քարահունջի մշտական բնակչությունը կազմել է 1365, առկա բնակչությունը՝ 1236 մարդ։ Գյուղը մշտապես բնակեցված է եղել հայերով, բնակչության փոփոխությունը ժամանակի ընթացքում՝ ստորև.

Տարի	1831	1873	1897	1926	1939	1959	1970	1979	1989	2001	2004	2011
Բնակիչ	81	750	985	1005	1074	1088	1175	1155	1119	1254	1252	1365

Տնտեսություն

Բնակչությունը զբաղվում է անասնապահությամբ, այգեգործությամբ և պտղաբուծությամբ (հայտնի է իր թթենիներով)։

Պատմամշակութային կառույցներ

Քարահունջում պահպանվել է 1675 թ.-ի Սուրբ Հռիփսիմե եկեղեցին։ Գյուղի շրջակայքում կան ավերակ ամրոց, Լալքար գյուղատեղի և քարայր-բնակարաններ։

Տես նաև

• Քարահունջի պատմության և մշակույթի անշարժ հուշարձանների ցանկ (Սյունիքի մարզ)

Արտաքին հղումներ

• Էջը Սյունիքի մարզպետարանի կայքում Արխիվացված 2014-01-16 Wayback Machine
• Համայնքի ղեկավարի Էջը Սյունիքի մարզպետարանի կայքում Արխիվացված 2014-01-29 Wayback Machine

Վիքիպահեստն ունի նյութեր, որոնք վերաբերում են «Քարահունջ (գյուղ)» հոդվածին։