Սալբի (վեպ) - Վիքիպեդիա

Սալբի
Հեղինակ	Րաֆֆի
Տեսակ	գրական ստեղծագործություն
Ժանր	պատմական վեպ
Բնօրինակ լեզու	հայերեն
Ստեղծման տարեթիվ	1855
Երկիր	Հայաստան
Հրատարակման տարեթիվ	1911
Վիքիդարան	Սալբի

Սալբի, Րաֆֆու անդրանիկ վեպը։ Վեպը գրվել է 1855 թվականին գրաբարով, սակայն հետագայում Րաֆֆին այն վերամշակել է և փոխադրել աշխարհաբարի։ Առաջին հատորը լույս է տեսել 1911 թվականին Վիեննայում, իսկ երկրորդ և երրորդ հատորների բնագրերը առ այսօր մնում են անհայտ։

Ընդհանուր նկարագիրը

[խմբագրել | խմբագրել կոդը]

«Սալբի» վեպի գաղափարական էությունը կազմում է ազգային ազատագրության հարցը։ Վեպի հերոս Ռուստամը, որ ձեռք է բարձրացնում բռնապետության վրա, ըստ հեղինակի` ազատ բնության և մարդկային անարդար կյանքի ծնունդ է։ Ռուստամին և հայ առաջավոր կնոջ պատկերը ներկայացնող Սալբուն հակադրված են հայ հոգևորականությունը, վաճառականությունը և պարսիկ խաների հլու ծառա տեր-Մարուքը, տեր-Մարկոսը, ռես Վասակյանը, Սոլոմոն-բեկ Ավազակյանցը և ուրիշներ։ Սրանք բոլորն իրենց դասակարգային էությամբ դաշնակից են պարսկական ֆեոդալական-բարբարոսական իշխանության հետ և վայելում են նրա հովանավորությունը։

«Սալբի» վեպը ռոմանտիկական ստեղծագործություն է։ Նրանում կերպարները կառուցված են դրական և բացասական, ներքին և արտաքին հատկանիշների բացարձակ հակադրությամբ։ Վեպի սյուժետային դրությունները ևս ռոմանտիկակակն են, նրանք բացառիկ են գերբնական և պարուրված առասպելական խորհրդավորությամբ։ Վեպում գործողությունները դինամիկ են։ Հեղինակի երևակայությունը ծնել է աշխույժ տեսարաններ, որոնք տրված են ճոխ նկարագրություններով։

Աղբյուրներ

[խմբագրել | խմբագրել կոդը]

Հայ գրականության պատմություն, երկրորդ գիրք, Երևան, 1950 թ., էջ 81-83։

Արտաքին հղումներ

[խմբագրել | խմբագրել կոդը]

դ ք խ Րաֆֆու վեպերն ու վիպակները

Սամվել Խաչագողի հիշատակարանը Սալբի Հարեմ Խենթը Զահրումար Ոսկի աքաղաղ Մինն այսպես, մյուսն այնպես Դավիթ Բեկ Պարույր Հայկազն Կայծեր Անմեղ վաճառք

Րաֆֆու ստեղծագործությունների ցանկ