Հովհաննես Թլկուրանցի
Անվան այլ կիրառումների համար տե՛ս՝ Հովհաննես Թլկուրանցի (այլ կիրառումներ)
Հովհաննես Թլկուրանցի | |
|---|---|
| Ծնվել է | անհայտ |
| Վախճանվել է | 1535 |
| Մասնագիտություն | բանաստեղծ |
| Հովհաննես Թլկուրանցի Վիքիքաղվածքում | |
| Հովհաննես Թլկուրանցի Վիքիդարանում | |
Հովհաննես Թլկուրանցի (անհայտ - 1535), միջնադարյան հայ բանաստեղծ-քնարերգու։
Կենսագրություն[խմբագրել | խմբագրել կոդը]
Հովհաննես Թլկուրանցու կենսագրությունն անհայտ է։ Բանասիրական մանրակրկիտ քննությամբ հաստատված է, որ տաղերգուն ապրել է 14-րդ դարի երկրորդ և 15-րդ դարի առաջին կեսում։ Նա ոչ միայն գրել է տաղերը, այլև ինքն էլ կատարել է դրանք, եղել է երգիչ և երգահան[1]։ Բանաստեղծություններից մեկում նա գրում է, որ 70 տարեկան է։ Հովհաննես Թլկուրանցու բանաստեղծություններն առաջին անգամ հրատարակվել է հայ առաջին տպագիր երգարանում Հակոբ Մեղապարտի կողմից 1513 թվին։ Մինչ վերջերս ընդունված էր, որ բանաստեղծ Թլկուրանցին և Կաթողիկոս Հովհաննես Թլկուրանցին, որն ապրել է XV-XVI դարերում, նույն անձն է։ Ըստ այդմ, համարվում էր, որ Թլկուրանցին առաջին միջնադարյան բանաստեղծն է, որի ստեղծագործությունները տպագրվել են իր կենդանության օրոք։ Սակայն այժմ ապացուցված է, որ բանաստեղծ Հովհաննես Թլկուրանցին՝ ապրելով XIV-XV դարերում, չի կարող Կաթողիկոս Հովհաննես Թլկուրանցին լինել։
Երկեր[խմբագրել | խմբագրել կոդը]
- Յովհաննէս Թլկուրանցին եւ իւր տաղերը, Թիֆլիս, 1892, 60 էջ։
- Տաղագիրք, Երուսաղէմ, 1958, 116 էջ։
- Տաղեր, Երևան, 1960, 298 էջ։
Ծանոթագրություններ[խմբագրել | խմբագրել կոդը]
- ↑ Հայ մշակույթի նշանավոր գործիչները, 5-18-րդ դարեր։ Երևանի համալսարանի հրատարակչություն։ Երևան, 1976 էջ 424