Լազարյան ավետարան

Վիքիպեդիայից՝ ազատ հանրագիտարանից
Jump to navigation Jump to search
Լազարյան ավետարան
Հեղինակ Սահակ Վանանդացի
Տեսակ գիրք
Ստեղծման տարեթիվ 887
Հրատարակման վայր Մոսկվա
Հրատարակման տարեթիվ 1899

Լազարյան ավետարան, հայերեն ավետարան։ Գրիչ և ծաղկող Սահակ Վանանդացին այն ավարտել է 887 թվականին։

Այդպես է կոչվել Մոսկվայի Լազարյան ճեմարանին պատկանելու համար։ Ճեմարանին էր նվիրել Թեոդոսիայի հայ վաճառական Խաչուկյանը 1847 թվականին։ 1925 թվականին ձեռագիրը Լազարյան հավաքածուի (215 միավոր) հետ տեղափոխվել է Էջմիածնի մատենադարան։ Այժմ պահպանվում է Մեսրոպ Մաշտոցի անվան մատենադարանում։ Լազարյան ավետարանը մեզ հասած հայերեն ամենահին ամբողջական ձեռագիրն է, որի գրության թվականը հայտնի է։ Հրատարակվել է դեռևս 1899 թվականին Մոսկվայում, լուսատիպ նմանահանությամբ։ Լազարյան ավետարանը նաև մեզ հայտնի թվակիր նկարազարդ առաջին ձեռագիրն է։ Պահպանվել են միայն երկու նկարազարդ թերթերը, որոնց զույգ էջերում նկարված են չորս խորաններ։ Ձեռագիրն ունի գրչի ամբողջական հիշատակարան։

Գրականություն[խմբագրել | խմբագրել կոդը]

  • Ա. Մաթևոսյան, Լազարյան ճեմարանի հնագույն ձեռագիրը «ՊԲՀ» № 1 1973