Շամբ (Սյունիքի մարզ)
Անվան այլ կիրառումների համար տե՛ս՝ Շամբ (այլ կիրառումներ)
| Գյուղ | ||
|---|---|---|
| Շամբ | ||
| Երկիր |  Հայաստան | |
| Մարզ | Սյունիքի | |
| ԲԾՄ | 1375 մ | |
| Պաշտոնական լեզու | Հայերեն | |
| Բնակչություն | 416[1] մարդ (2011) | |
| Ազգային կազմ | Հայեր | |
| Կրոնական կազմ | Հայ Առաքելական եկեղեցի | |
| Տեղաբնականուն | շամբեցի | |
| Ժամային գոտի | UTC+4 | |
| ||
Շամբ, գյուղ Հայաստանի Հանրապետության Սյունիքի մարզի Սիսիանի տարածաշրջանում, Սիսիան քաղաքից մոտ 11 կմ հարավ-արևելք, Որոտանի վրա կառուցված Շամբի ջրամբարի հյուսիսային ափին, ծովի մակերևույթից 1340-1400 մ բարձրության վրա։ Հեռավորությունը Կապան մարզկենտրոնից ճանապարհով կազմում է մոտ 107 կմ։ Բնակչությունը` 416 մարդ (2011)[1], հայեր։
Հիմնադրվել է 1962-1963 թթ. որպես Շամբի ՀԷԿ-ի բանավան` ստանալով հին Շամբ գյուղի անունը[2]։ Մասն է կազմել Հայկական ԽՍՀ Սիսիանի շրջանի։ 1995 թվականից մտնում է ՀՀ Սյունիքի մարզի մեջ` Դարբաս գյուղի հետ կազմելով Դարբաս համայնքը։
Բնակչություն[խմբագրել | խմբագրել կոդը]
Ըստ ՀՀ 2011 թ. մարդահամարի արդյունքների` Շամբի մշտական բնակչությունը կազմել է 416, առկա բնակչությունը` 402 մարդ[1]։ Բնակչության փոփոխությունը ժամանակի ընթացքում` ստորև[2].
| Տարի | 1970 | 1979 | 1989 | 2001 | 2011 |
|---|---|---|---|---|---|
| Բնակիչ | 451 | 448 | 432 | 443 | 416 |
Պատմություն[խմբագրել | խմբագրել կոդը]
Շամբ անունով հին գյուղը հիշատակվում է Բագրատունի Աշոտ Գ թագավորի 966 թ. Մաղարդավանքի, իսկ հետագայում Որոտնավանքի 1315 թ.-ի արձանագրությունների մեջ։ Այն գտնվել է Վաղատին գյուղի մոտակայքում և նույն անվան տակ ընդգրկված եղել Արևելյան Հայաստանի Ելիզավետպոլի նահանգի Զանգեզուրի գավառում[3]։ Գյուղը լքվել է 1930-ական թվականներին։
Տնտեսություն[խմբագրել | խմբագրել կոդը]
Բնակչությունը զբաղվում է անասնապահությամբ և գյուղատնտեսությամբ։
Պատմամշակութային կառույցներ[խմբագրել | խմբագրել կոդը]
Գյուղն ունի X-XV դարերի ավերված գերեզմանոց։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
| ||||||||||||||