Գյուղի պաշտոնական անունը Տորունիք է[1]։ Ռուսական կայսրության ժամանակաշրջանում գյուղն ունեցել է թուրքական Շխլար անունը[3]։ Խորհրդային Միության ժամանակաշրջանում՝ 1940 թվականին, այն վերանվանվել է թուրքական Ղզըլշաֆակ անունով։ Տորունիք է վերանվանվել 1991 թվականին։
Տորունիք գյուղը գտնվում է Այրիգետ գետի ձախ ափին՝ ծովի մակարդակից մոտ 1780-1840 մ բարձրության վրա։ Հեռավորությունը Սյունիքի մարզի մարզկենտրոն Կապան քաղաքից ճանապարհով կազմում է մոտ 118 կմ, իսկ Սիսիան քաղաքից հեռու է մոտ 11 կմ դեպի հարավ։
Համաձայն 2011 թվականին Հայաստանում անցկացված մարդահամարի արդյունքների՝ Տորունիքի մշտական բնակչությունը կազմել է 120, առկա բնակչությունը՝ 111 մարդ[2]։ Ռուսական կայսրության և Խորհրդային Միության ժամանակաշրջաններում գյուղը բնակեցվածն է եղել ադրբեջանցիներով, որոնք հեռացել են 1988-1889 թվականներին[4]։, որոնց արտագաղթից հետո գյուղում բնակություն են սկսել հաստատել Խորհրդային Ադրբեջանից բռնագաղթած 34 տուն (78 անձ) հայեր[5]։ Ստորև ներկայացված է Տորունիք գյուղի բնակչության թվային փոփոխությունն ըստ տարիների[4][5].
Հայաստան
