Բնակավայրի պաշտոնական անունը Ցղունի է։ Ռուսական կայսրության և Խորհրդային Միության ժամանակաշրջաններում կոչվել է թուրքական Մարխուզ անունով[3]։ 1991 թվականի հուլիսի 8-ին վերանվանվել է Ցղունի։
Գտնվում է Այրիգետի վերին հոսանքի շրջանում՝ գետի ձախ ափին, ծովի մակարդակից մոտ 1950 մ բարձրության վրա։ Հեռավորությունը Սյունիքի մարզի մարզկենտրոն Կապան քաղաքից կազմում է մոտ 124 կմ, Սիսիան քաղաքից հեռու է մոտ 17 կմ դեպի հարավ։
Համաձայն 2011 թվականին Հայաստանում անցկացված մարդահամարի արդյունքների՝ Ցղունիի մշտական բնակչությունը կազմել է 47, առկա բնակչությունը՝ 41 մարդ[2]։ Ռուսական կայսրության և Խորհրդային Միության ժամանակաշրջաններում գյուղը բնակեցվածն է եղել ադրբեջանցիներով, որոնք հեռացել են 1988-1989 թվականներին[4]։ 1989-1992 թվականներին գյուղում վերաբնակվել են հայեր։ Ստորև ներկայացված է Ցղունի գյուղի բնակչության թվային փոփոխությունն ըստ տարիների[3].