Վահե Ղալումյան

	Վահե Ղալումյան
Դրոշ	ՀՀ ԱԺ 7-րդ գումարման պատգամավոր
2019 հունվարի 10 - 2021 օգոստոսի 2
	ՀՀ ԱԺ 8-րդ գումարման պատգամավոր
	ՀՀ ԱԺ 8-րդ գումարման պատգամավոր
2021 օգոստոսի 2-ից
	ՀՀ Տավուշի մարզպետ
	ՀՀ Տավուշի մարզպետ
2018 - 2019
	ՀՀ ԱԺ Տարածքային կառավարման, տեղական ինքնակառավարման, գյուղատնտեսության և շրջակա միջավայրի հարցերի մշտական հանձնաժողովի նախագահ
	ՀՀ ԱԺ Տարածքային կառավարման, տեղական ինքնակառավարման, գյուղատնտեսության և շրջակա միջավայրի հարցերի մշտական հանձնաժողովի նախագահ
2020-2021 2021-ից
Կուսակցություն՝	Քաղաքացիական պայմանագիր
Կրթություն՝	Երևանի պետական համալսարան
Մասնագիտություն՝	տնտեսագետ և քաղաքական գործիչ
Ծննդյան օր	հուլիսի 21, 1975 (49 տարեկան)
Ծննդավայր	Իջևան, Հայկական ԽՍՀ, ԽՍՀՄ
Քաղաքացիություն	Հայաստան

Վահե Ղալումյան (հուլիսի 21, 1975(1975-07-21), Իջևան, Հայկական ԽՍՀ, ԽՍՀՄ), հայ տնտեսագետ, կուսակցական, քաղաքական գործիչ, Քաղաքացիական պայմանագիր կուսակցության անդամ է, Տավուշի մարզի նախկին մարզպետ, Հայաստանի Ազգային ժողովի 7-րդ գումարման պատգամավոր «Իմ քայլը» խմբակցությունից^[1], Հայաստանի Ազգային ժողովի 8-րդ գումարման պատգամավոր Քաղաքացիական պայմանագիր կուսակցությունից^[2]։ ՀՀ ԱԺ Տարածքային կառավարման, տեղական ինքնակառավարման, գյուղատնտեսության և շրջակա միջավայրի հարցերի մշտական հանձնաժողովի նախագահ։

Պատգամավորական գործունեության ընթացքում իր հնչեցրած հայտարարությունների և Ազգային ժողովի դահլիճում իր դրսևորած վարքի համար լայնորեն քննարկվել ու քննադատվել է^[3]^[4]^[5]^[6]^[7]։

Կենսագրական տեղեկություններ

Վահե Ղալումյանը ծնվել է 1975 թվականի հուլիսի 21-ին Խորհրդային Հայաստանի Իջևան քաղաքում^[8]։ 1994 թվականին զորակոչվել է պարտադիր զինվորական ծառայության Հայաստանի զինված ուժերում^[8]։

Կրթություն

Վահե Ղալումյանը 1998 թվականին ավարտել է Երևանի պետական համալսարանի Իջևանի մասնաճյուղը և ստացել տնտեսագետի որակավորում^[8]։

Աշխատանքային գործունեություն

Վահե Ղալումյանը 2001-2002 թվականներին աշխատել է շինարարական կազմակերպությունում որպես աշխատանքների ղեկավարի օգնական, 2002-2003 թվականներին աշխատել է Իջևանի ճանապարհաշինարարական վարչությունում որպես գլխավոր տնօրենի օգնական, 2003-2006 թվականներին՝ Իջևանի ճանապարհաշինարարական վարչությունում որպես գործադիր տնօրենի տեղակալ, 2006-2015 թվականներին՝ Իջևանի ճանապարհաշինարարական վարչությունում որպես գործադիր տնօրենի առաջին տեղակալ^[2]։

2005-2018 թվականներին եղել է Իջևան քաղաքի ավագանու անդամ^[2]։

Քաղաքական գործունեություն

Տավուշի մարզպետ

2018 թվականին Հայաստանում տեղի ունեցած իշխանափոխությունից հետո՝ նույն թվականի հունիսի 1-ին Հայաստանի կառավարության որոշմամբ նշանակվել է Տավուշի մարզի մարզպետ^[8]։

Ազգային ժողովի պատգամավոր

Հայաստանի Ազգային ժողով (2018-2021)

2018 թվականի դեկտեմբերի 9-ին Վահե Ղալումյանը «Իմ քայլը» դաշինքի ցուցակով ընտրվել է Հայաստանի Ազգային ժողովի պատգամավոր։

Որպես Ազգային ժողովի պատգամավոր՝ 2019 թվականի փետրվարի 6-ից մինչև 2020 թվականի դեկտեմբերի 10-ը եղել է Հայաստանի ազգային ժողովի «Տարածքային կառավարման, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովի» անդամ, այնուհետև դարձել հանձնաժողովի նախագահ։ 2019 թվականի դեկտեմբերի 26-ից եղել է Հայաստանի Ազգային ժողովի «Հայաստանի Հանրապետության ցամաքային ուղևորափոխադրումների կազմակերպման գործընթացը և 2016-2019թթ. ոլորտը սպասարկող, համակարգող և վերահսկող լիազոր մարմինների գործունեությունն ուսումնասիրող քննիչ հանձնաժողովի» անդամ^[1]։

Հայաստանի Ազգային ժողով (2021-)

2021 թվականին Հայաստանում տեղի ունեցած խորհրդարանական ընտրությունների ժամանակ Վահե Ղալումյանը Քաղաքացիական պայմանագիր կուսակցությունից ընտրվել է Հայաստանի Ազգային ժողովի պատգամավոր^[2]^[9]։

Որպես Ազգային ժողովի պատգամավոր՝ Վահե Ղալումյանը 2021 թվականի օգոստոսի 12-ից դարձել է Հայաստանի Ազգային ժողովի «Տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության հարցերի մշտական հանձնաժողովի» անդամ^[2]։

Քննադատություն և մեկնաբանություններ

Վահե Ղալումյանը, որպես Հայաստանի իշխող քաղաքական կուսակցության ներկայացուցիչ, իր քաղաքական գործունեության ընթացքում հանդես է եկել մի շարք հայտարարություններով, որոնք քննադատության են արժանացել։

Ադրբեջանամետ հայտարարություններ

Ըստ որոշ տեղեկությունների՝ Վահե Ղալումյանը հայտնի է իր ադրբեջանամետ հայտարարություններով, ինչը քննադատությունների է արժանացել^[3]^[4]^[5]։

2021 թվականի հունիսին իշխանական «Իմ քայլ» խմբակցությունից Հայաստանի ազգային ժողովի պատգամավոր Վահե Ղալումյանը հայտարարել էր, որ պետք է ստեղծվի Հայաստանի և Ադրբեջանի սահմանային հարցերը կարգավորող հանձնաժողով։ Անդրադառնալով լրագրողի հարցին՝ նա ասել էր, որ «Տավուշի մարզում և՛ ադրբեջանական հողեր կան, որ գտնվում են մեր վերահսկողության տակ, և՛ կան հայկական տարածքներ»^[3]։ Մասնավորեցնելով թե որոնք են ադրբեջանական հողեր, նա նշել է՝ «Անկլավները։ Գյուղերի անուններն են՝ Բարխուդարլու, Խեյրիմլի, Սոֆուլու, Ոսկեպար»^[3]։

2021 թվականի սեպտեմբերին լրագրողի հետ հարցազրույցում իշխող Քաղաքացիական պայմանագիր կուսակցությունից Հայաստանի ազգային ժողովի պատգամավոր Վահե Ղալումյանը, պատասխանելով այն հարցին, թե ինչու է Հայաստանի Ազգային անվտանգության ծառայությունը իր հայտարարության մեջ Մ 2 միջպետական ճանապարհի Գորիս-Կապան հատվածի մի մասը համարում Ադրբեջանի տարածք, պատասխանել է, որ հիմքեր ունի այդպիսի հայտարարություն անելու համար` փաստացի այն ճանաչելով Ադրբեջան^[4]^[5]։

Մեջքից հարվածելու միջադեպեր

Քննարկման առարկա է դարձել նաև այն հանգամանքը, որ Վահե Ղալումյանը, լինելով Հայաստանի ազգային ժողովի պատգամավոր, բռունցքներով հետևից հարվածել է մի շարք պատգամավորների։ Այդ միջադեպերից հետո Վահե Ղալումյանին երբեմն անվանում են «մեջքից հարվածող»^[6]^[7]։

2020 թվականի մայիսի 8-ին Հայաստանի ազգային ժողովի դահլիճում «Լուսավոր Հայաստան» խմբակցությունից պատգամավոր Էդմոն Մարուքյանի և Քաղաքացիական պայմանագիր կուսակցությունից պատգամավոր Սասուն Միքայելյանի միջև տեղի ունեցած վիճանբանության ժամանակ պատգամավոր Վահե Ղալումյանը մոտենում է Էդմոն Մարուքյանին և հետևից հարվածում նրա գլխին^[6]։ Անդրադառնալով միջադեպին՝ Վահե Ղալումյանը հայտնել է, որ ինքը չի հարվածել Էդմոն Մարուքյանին, այլ գլխից քաշել է^[10]։

2021 թվականի օգոստոսի 25-ին Վահե Ղալումյանը Հայաստանի ազգային ժողովի դահլիճում մոտեցել է ընդդիմադիր «Հայաստան» խմբակցության պատգամավոր Վահե Հակոբյանին և հետևից հարվածել նրան^[7]^[11]։

Ընտանիք

Վահե Ղալումյանն ամուսնացած է և ունի երեք զավակ` երկու տղա և մեկ աղջիկ^[8]։

Հանդիսանում է 2019-2021 թվականներին Իջևան համայնքի ղեկավարի պաշտոնակատար և 2021 թվականից Տավուշի մարզպետ Հայկ Ղալումյանի եղբայրը^[12]^[13]։

Ծանոթագրություններ

[parliament.am_Վահե_Ղալումյանի_կենսագրություն_2018-2021-1] 1,0 ^1,1 Վահե Ղալումյանի մասին տեղեկություններ Հայաստանի Ազգային ժողովի կայքում։

[parliament.am_Վահե_Ղալումյանի_կենսագրություն_2021-2] 2,0 ^2,1 ^2,2 ^2,3 ^2,4 Վահե Ղալումյանի մասին տեղեկություններ Հայաստանի Ազգային ժողովի կայքում։

[Հայկ_Ղալումյան_ադրբեջանական_հողեր_1-3] 3,0 ^3,1 ^3,2 ^3,3 «Տավուշի մարզում ադրբեջանական հողեր կան… Բարխուդարլու, Խեյրիմլի, Սոֆուլու, Ոսկեպար…». Իմքայլական Վահե Ղալումյանը՝ Ադրբեջանի հետ խաղաղության մասին, (արխիվացված 23․06․2021թ․)։

[Հայկ_Ղալումյան_hraparak.am_ադրբեջանական_տարածք-4] 4,0 ^4,1 ^4,2 «Ուրեմն ԱԱԾ-ն հիմքեր ունի, որ դա ադրբեջանական տարածք է համարում։

[Հայկ_Ղալումյան_yerkir.am_ադրբեջանական_տարածք-5] 5,0 ^5,1 ^5,2 Ուրեմն ԱԱԾ-ն հիմքեր ունի, որ դա ադրբեջանական տարածք է համարում․ Վահե Ղալումյան(չաշխատող հղում)։

[armlur.am_1_հետևից_հարվածել_ԷՄ-ին-6] 6,0 ^6,1 ^6,2 Մեջքից հարվածելու «մեծ վարպետը». վարչապետի ընտանիքի քավոր Վահե Ղալումյանը:

[news.am_1_հետևից_հարվածել_ՎՀ-ին-7] 7,0 ^7,1 ^7,2 Վահագն Ալեքսանյանը ոտքով խփեց Վահե Հակոբյանին. հարվածեցին նաեւ Հայկ Սարգսյանն ու Վահե Ղալումյանը:

[ՊաշտԿենս-8] 8,0 ^8,1 ^8,2 ^8,3 ^8,4 Վահե Ղալուման

[hetq.am_պատգամավոր_Վահե_Ղալումյան-9] ԿԸՀ-ն գրանցեց ընտրված 107 պատգամավորների անունները։

[kentron.am_ՎՀ_արձագանք_ԷՄ-10] «Չեմ հարվածել, գլխից քաշել եմ»․ Վահե Ղալումյան։

[tert.am_1_հետևից_հարվածել_ՎՀ-ին-11] «Վահե Ղալումյանը երեկ հետևից բռունցքներով հարվածում էր «Հայաստան» դաշինքի պատգամավորներին, այսօր երեսին ասեցի՝ ամենազազրելի բանը հետևից խփող տղամարդն է, պատասխանեց՝ ես կարամ դիմացից էլ խփեմ. Գալստյան։». Արխիվացված է օրիգինալից 2021 թ․ սեպտեմբերի 15-ին. Վերցված է 2021 թ․ սեպտեմբերի 15-ին.

[hetq.am_1_Հայկ_Ղալումյան_մարզպետ-12] Տավուշի մարզպետ կնշանակվի Հայկ Ղալումյանը։

[tavush.mtad.am_Հայկ_Ղալումյան_մարզպետ-13] Հայկ Ղալումյանի մասին տեղեկություններ Տավուշի մարզպետարանի կայքում։

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]