Պոլ Կիրակոսյան
- Վիքիպեդիայում կան հոդվածներ Կիրակոսյան ազգանունով այլ մարդկանց մասին։
Պոլ Կիրակոսյան | |
|---|---|
 | |
| Ի ծնե | Պոլ Մանուկի Կիրակոսյան |
| Ծնվել է | 1926 |
| Ծննդավայր | Երուսաղեմ |
| Վախճանվել է | 1993, նոյեմբերի 20 |
| Մահվան վայր | Բեյրութ, Լիբանան |
| Ազգություն | հայ |
| Քաղաքացիություն |  Լիբանան |
| Մասնագիտություն | վիզուալ արտիստ և նկարիչ |
| Աշակերտներ | Սեդա Մանուկյան |
| Կայք | paulguiragossian.com(անգլ.) |
Պոլ Մանուկի Կիրակոսյան (դեկտեմբերի 25, 1926[1][2][3][…], Երուսաղեմ, Մեծ Բրիտանիայի և Իռլանդիայի միացյալ թագավորություն - նոյեմբերի 20, 1993[1], Բեյրութ, Լիբանան), հայ նկարիչ։
Կենսագրություն
[խմբագրել | խմբագրել կոդը]1946 թվականին ավարտել է Երուսաղեմի «Պիետրո Ժակոբետտի» գեղարվեստի ուսումնարանը։ 1946-1954 թվականներին ստեղծագործել է Բեյրութում, 1954 թվականին մեկնել է Ֆլորենցիա՝ գեղարվեստի ակադեմիայում կատարելագործվելու։ 1961 թվականից հաստատվել է Բեյրութում[4]։ Աշխատանքներից գտնվում են Հայաստանի ազգային պատկերասրահում[5]։
Ստեղծագործական գործունեություն
[խմբագրել | խմբագրել կոդը]Ստեղծագործել է դիմանկարի, բնանկարի և թեմատիկ-կոմպոզիցիոն պատկերի բնագավառներում («Արաքսի դիմանկարը», «Այգաբաց», «Քաղաք», «Այց ծննդկանին», «Լիբանանյան բնանկար», «Սպասում», «Ընտանիք», «Ագարակ», «Գյուղի աղջիկը», «Զրույց», «Համեստ ընտանիք», «Ընթերցողը» և այլն[6])։
Իր կտավներում Կիրակոսյանն արտացոլել է նաև աստանական հայության կյանքն ու կենցաղը («Դեր Զոր», «Գաղթ», «Կարպետագործը»), որոնց բնորոշ են հյութեղ երփնագիրը, գույնի նուրբ զգացողությունը։
Ցուցահանդեսներ
[խմբագրել | խմբագրել կոդը]Ունեցել է անհատական ցուցահանդեսներ՝ Բեյրութում, Ֆլորենցիայում, Փարիզում, Վաշինգտոնում, Երևանում (1972) և այլուր։
Պարգևներ
[խմբագրել | խմբագրել կոդը]Պարգևատրվել է Հայաստանի նկարիչների միության Մարտիրոս Սարյանի անվան մրցանակով (1981)։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ http://www.paulguiragossian.com/en/DynamicPages/biography/biography
- ↑ Artnet — 1998.
- ↑ Ով ով է. Հայեր. Կենսագրական հանրագիտարան. Երևան: Հայկական Հանրագիտարան. 2005.
- ↑ Պոլ Կիրակոսյանի աշխատանքները ՀԱՊ-ում
- ↑ Հայության կյանքն ու կենցաղը` հյութեղ գույներով, Պոլ Կիրակոսյան