Գայանե Աբրահամյան
Գայանե Աբրահամյան | ||
| ||
---|---|---|
Կուսակցություն՝ | անկուսակցական | |
Կրթություն՝ | Երևանի պետական գեղարվեստա-թատերական ինստիտուտ | |
Մասնագիտություն՝ | լրագրող և քաղաքական գործիչ | |
Ծննդյան օր | հունիսի 2, 1979 (44 տարեկան) | |
Ծննդավայր | Երևան, Հայկական ԽՍՀ, ԽՍՀՄ | |
Քաղաքացիություն | ԽՍՀՄ և Հայաստան |
Գայանե Ասքանազի Աբրահամյան (հունիսի 2, 1979 թվական, Երևան), լրագրող, ՀՀ ԱԺ 7-րդ գումարման պատգամավոր[1][2]:
Կենսագրական տվյալներ
Գայանե Աբրահամյանը ծնվել է 1979 թվականի հունիսի 2-ին Երևանում:
1986-1996 թվականներին սովորել է Երևանի թիվ 139 անգլիական թեքումով միջնակարգ դպրոցում:
Սովորել է Երևանի Գեղարվեստի պետական ակադեմիայի կերպարվեստի պատմության և տեսության ֆակուլտետում, որն ավարտել է գերազանցությամբ:
2009 թվականին սովորել է Վաշինգտոնի Լրագրության միջազգային կենտրոնում (ICFJ): Աշխատանքային պրակտիկան անցկացրել է Boston Globe և Washington Post թերթերում:
1997-2001 թվականներին աշխատել է «Հայ փոքրիկ երգիչներ» միջազգային ասոցիացիայում՝ որպես ծրագրերի համակարգող, մինչև 18 տարեկանը եղել է երգչախմբի երգչուհի:
Լրագրողական գործունեություն
2001-2002 թվականներին աշխատել է Armenian International Magazine ամսագրում:
2002-2013 թվականներին Armenianow.com առցանց լրատվական կայքում[3] աշխատել է որպես լրագրող:
2006 թվականից թղթակցում է միջազգային One Magazine ամսագրին, որը տպագրվում է ԱՄՆ-ում:
2006-2018 թվականներին հանդիսացել է Eurasianet.org միջազգային պարբերականի հայաստանյան թղթակիցը[4]:
2008-2009 թվականներին աշխատել է «Միջազգային հետազոտությունների և փոխանակման խորհուրդ» (IREX) կազմակերպությունում` որպես «Լրատվամիջոցների աջակցման ծրագրի» դասընթացավար և խմբագիր:
2008-2010 թվականներին աշխատել է ՄԱԿ-ի զարգացման ծրագրում (UNDP)՝ որպես «Մարդու իրավունքների պաշտպանի գրասենյակի կարողությունների զարգացման ծրագրի» հաղորդակցության գծով փորձագետ:
2013-2017 թվականներին «Երկիր Մեդիա» հեռուստաընկերության եթերում նախաձեռնել և իրականացրել է «Կլոր սեղան» հաղորդաշարը, որի շրջանակներում բարձրաձայնել է քաղաքական, տնտեսական, սոցիալական, կրթական և մարդու իրավունքների խնդիրները[5]: 2016 թվականին հիմնադրել և նախագահել է «Հանուն հավասար իրավունքների» կրթական կենտրոն հասարակական կազմակերպությունը[6][7]:
2015-2017 թվականներին թղթակցել է միջազգային The Guardian պարբերականին[8]:
Գայանե Աբրահամյանը 2017 թվականից Factor.am կայքում իրականացրել է «ՀանրաԴիտակ» հաղորդաշարը[9], որի գործունեության առանցքը կառավարության տարբեր ծրագրերում և գնումների ոլորտում առկա կոռուպցիոն ռիսկերն ու խնդիրները բացահայտելն ու հետաքննելն է[6][10][11]:
Հոդված 3 ակումբ
2016 թվականի ապրիլին հիմնադրել և ղեկավարել է «Հոդված 3» ակումբը[12]: Ակումբի գործունեությունն ուղղված է երիտասարդների և լրագրողական համայնքի այլընտրանքային կրթության, իրավագիտակցության և կարողությունների բարձրացման հնարավորությունների ստեղծմանը[13]: Ակումբը հեղափոխության օրերին երիտասարդների հավաքատեղին էր, միջազգային կառույցների և լրագրողների տեղեկատվության փոխանակման կենտրոն: Հեղափոխության օրերին ակումբում էին իրականացվում բերման ենթարկվածներին իրավական աջակցման, թեժ գծի ու արագ արձագանքման աշխատանքները[փա՞ստ]:
Քաղաքական գործունեություն
2018 թվականի սեպտեմբերի 23-ին Երևանում կայացած ավագանու ընտրությունների ժամանակ ընդգրկված է եղել «Իմ քայլը» դաշինքի քվեաթերթիկում և ընտրվել է ավագանու անդամ[14][15]
2018 թվականի դեկտեմբերի 9-ին կայացած արտահերթ խորհրդարանական ընտրություններում Երևան քաղաքն ընդգրկող թիվ 2 ընտրատարածքում լինելով «Իմ քայլը» դաշինքի ռեյտինգային թեկնածուներից մեկը՝ ստացել է 2 607 ձայն[16][17][18]:
2019 թվականի հունվարի 10-ին ստացել է պատգամավորական մանդատը[2][19][20]:
Պարգևներ և մրցանակներ
Գայանե Աբրահամյանն արժանացել է տեղական և միջազգային լրագրողական տասը մրցանակների, այդ թվում՝ հանդիսանում է ԱՄՆ-ում անցկացվող համաշխարհային «Catholic Press Award 2010» մրցույթի առաջին և գլխավոր մրցանակակիրը:
Ընտանիք
Ամուսնացած է, ունի 2 դուստր:
Տես նաև
Ծանոթագրություններ
- ↑ «Գայանե Աբրահամյանը Ազգային Ժողովի պաշտոնական կայքում».
- ↑ 2,0 2,1 [1]
- ↑ [2]
- ↑ [3]
- ↑ [4]
- ↑ 6,0 6,1 [5]
- ↑ [6]
- ↑ [7]
- ↑ [8]
- ↑ [9]
- ↑ [10]
- ↑ [11]
- ↑ [12]
- ↑ http://ankakh.com/article/104092/vovqyer-klinyen-yeryevani-avaganium-%C2%ABim-qayle%C2%BB-dashinqi-57-andamnyere
- ↑ Քաղաքապետարանի ավագանու նորընտիր կազմը․ ովքեր են նրանք - Հրապարակ
- ↑ [13]
- ↑ [14]
- ↑ [15]
- ↑ [16]
- ↑ [17]