Վահագն Թևոսյան
Վահագն Թևոսյան | |||
| |||
---|---|---|---|
2019 հունվարի 10-ից | |||
Կրթություն՝ | Երևանի պետական համալսարան | ||
Մասնագիտություն՝ | քաղաքական գործիչ և լրագրող | ||
Ծննդյան օր | մարտի 22, 1978 (46 տարեկան) | ||
Ծննդավայր | Երևան, Հայկական ԽՍՀ, ԽՍՀՄ | ||
Քաղաքացիություն | ![]() |
Վահագն Գոռի Թևոսյան (մարտի 22, 1978, Երևան, Հայկական ԽՍՀ, ԽՍՀՄ), հայ քաղաքական գործիչ, լրագրող, սցենարիստ, պրոդյուսեր, մեդիափորձագետ։ Հայաստանի ԱԺ 7-րդ գումարման պատգամավոր։ Քաղաքացիական պայմանագիր կուսակցության անդամ (կասեցրել է անդամությունը Հանրային հեռարձակողի խորհրդի անդամ ընտրվելուց հետո)։[1][2]։
Կրթություն
[խմբագրել | խմբագրել կոդը]1999-2001 թվականներին ծառայել է Հայաստանի զինված ուժերում։ 2002 թվականին ավարտել է Երևանի պետական համալսարանի բանասիրության ֆակուլտետը։
Աշխատանքային գործունեություն
[խմբագրել | խմբագրել կոդը]1998-2004 թվականներին որպես լրագրող աշխատել է նախ «Օրագիր», ապա «Հայկական ժամանակ» օրաթերթերում[3]։
2004-2008 թվականներին զբաղվել է հասարակական գործունեությամբ։
2008-2011թվականներին եղել է Ռադիո Հայ ռադիոկայանի լրատվական ծառայության տնօրենը, վարել է հարցազրույցներ և հաղորդումներ։
2011-2015 թվականներին եղել է «Արմնյուզ» հեռուստաընկերության հաղորդումների խմբագիր, իսկ 2015-2017 թվականներին նույն պաշտոնը զբաղեցրել է «Արարատ» հեռուստաընկերությունում։
2018 թվականի հուլիս-դեկտեմբեր ամսիներին աշխատել է Հայաստանի հանրային հեռուստաընկերությունում որպես լրատվական և վերլուծական հաղորդումների տնօրեն[4][5]։
2018 թվականի դեկտեմբերի 9-ին կայացած Ազգային Ժողովի ընտրություններում պատգամավոր է ընտրվել Իմ քայլը դաշինքի համապետական ցուցակով[1]։ Զբաղվել է հիմնականում մեդիային վերաբերող օրենսդրական նախաձեռնություններով, համահեղինակել է Կինեմատոգրաֆիայի մասին և Տեսալսողական մեդիայի մասին օրենքները, ղեկավարել է ԱԺ Մեդիայի և տեղեկատվության ենթահանձնաժողովը։
2021թ․ վայր է դրել պատգամավորական մանդատը և ընտրվել Հանրային հեռարձակողի խորհրդի անդամ։
Ընտանիք
[խմբագրել | խմբագրել կոդը]Ամուսնացած է, ունի երեք զավակ։
Ծանոթագրություններ
[խմբագրել | խմբագրել կոդը]- ↑ 1,0 1,1 «ԿԸՀ-ն ամփոփեց մանդատ ստացած և մանդատից հրաժարված անձանց ցուցակները, որոշեց ԱԺ առաջին նիստի օրը».
- ↑ «Վահագն Գոռի Թեւոսյան, ԱԺ պաշտոնական կայքում».
- ↑ «Վահագն Թևոսյան». Արխիվացված է օրիգինալից 2022 թ․ հունվարի 8-ին. Վերցված է 2022 թ․ հունվարի 8-ին.
- ↑ «Հանրայինի լրատվական բաժնի նոր ղեկավարը պատրաստվում է լուրերը դարձնել ավելի դինամիկ ու նվազ պաշտոնական».
- ↑ «Հանրային հեռուստաընկերության լրատվական և վերլուծական հաղորդումների տնօրեն Վահագն Թևոսյանը աշխատանքից ազատվելու դիմում է ներկայացրել». Արխիվացված է օրիգինալից 2022 թ․ փետրվարի 11-ին. Վերցված է 2019 թ․ ապրիլի 21-ին.