Աքորի
Գյուղ | ||
---|---|---|
Աքորի | ||
Աքորի գյուղում | ||
Երկիր | Հայաստան | |
Մարզ | Լոռի | |
Համայնք | Ալավերդի (համայնք) | |
Այլ անվանումներ | Ագորի, Ախորի, Ախուրի, Ակոռի, Աքոռի | |
Մակերես | 24.8 կմ² | |
ԲԾՄ | 1400 մ | |
Պաշտոնական լեզու | հայերեն | |
Բնակչություն | 2468[1] մարդ (2008) | |
Ազգային կազմ | Հայեր | |
Կրոնական կազմ | Հայ Առաքելական եկեղեցի | |
Տեղաբնականուն | աքորեցի | |
Ժամային գոտի | UTC+4 | |
Պաշտոնական կայք | lori.mtaes.am/about-communities/484/ (հայ.) | |
| ||
Աքորի, գյուղ Հայաստանի Լոռու մարզում, Ալավերդի համայնքում, Ալավերդի քաղաքից 3 կմ հարավ-արևելք, Լալվար լեռան հարավարևելյան ստորոտին։ Գտնվում է մարզկենտրոնից 52 կմ հյուսիս-արևելք՝ Ալավերդի-Վանաձոր ավտոմայրուղու վրա։
Նախկինում գյուղը պատկանել է կոմս Լոռիս Մելիքովներին (Լոռվա մելիքներին)։
1800-ական թվականներին տեղի ունեցած երկրաշարժի հետևանքով այս գյուղն ավերվել է, սակայն հետո փլատակների վրա նոր գյուղ է կառուցվել և վերանվանվել է Յենի Դողան։
Պատմական Ակոռին, հայերի ամենահին բնակավայրերից է համարվում[փա՞ստ]:
Անվան ստուգաբանություն
Նախկինում ունեցել է Ագորի, Ախորի, Ախուրի, Ակոռի, Աքոռի անվանումները։ Գյուղի անվանման տարբերակներից մեկը կապված է «ախոռ» բառի հետ, որի համաձայն բնակավայրը նախկինում ձիերի համար իջևանատուն և ախոռ է եղել[2]։
Կլիմա
Կլիման բարեխառն լեռնային է, տևական և ցուրտ ձմեռներով։ Ամեն տարի հաստատվում է կայուն ձնածածկույթ։ Ամառները տաք են և համեմատաբար խոնավ։ Տարեկան մթնոլորտային տեղումների քանակը կազմում է 600-700 մմ։
Բնակչություն
Բնակիչների մի մասը եկել է Թիֆլիսից և Ստեփանավանի գյուղերից։
Ըստ ազգային վիճակագրական ծառայության տվյալների 2005 թ-ին համայնքի բնակչությունը կազմել է 2903 մարդ։ Սեռային կազմում տղամարդիկ կազմում են 45%, կանայք՝ 55%։
Աքորիի ազգաբնակչության փոփոխությունը.[3]
Տարի | 1897 | 1926 | 1939 | 1959 | 1970 | 1979 | 2001 | 2004 |
---|---|---|---|---|---|---|---|---|
Բնակիչ | 824 | 1169 | 1816 | 1701 | 2309 | 2235 | 2617 | 2682 |
Գյուղատնտեսություն
Գյուղատնտեսությունում մեծ բաժին ունեն վարելահողերը (203 հա), խոտհարքեր (201 հա)։ Պետական հողերը հիմնականում օգտագործվում են որպես արոտավայրեր (702 հա), վարելահողեր (42 հա) և խոտհարքեր (52 հա)։
Գյուղի մասնագիտացման ուղղությունը երկրագործությունն է։ Զբաղվում են պտղաբուծությամբ (տանձ, խնձոր, կեռաս), դաշտավարությամբ, չեն մշակում հացահատիկային, կերային և բանջարաբոստանային կուլտուրաներ։ Բնակիչների որոշ մասն էլ զբաղվում է նաև խոշոր եղջերավոր անասնաբուծությամբ և մեղվաբուծությամբ։
Պատմամշակութային կառույցներ
Գյուղից 3 կմ հյուսիս-արևմուտք գտնվում է “Բգավոր” գյուղատեղին (10-14 դդ.) իր համանուն եկեղեցիով։ Գյուղում են գտնվում Սբ. Գրիգոր (X-XII դդ.), “Ագեղցի” (X-XIII դդ.) եկեղեցիները, իսկ 4 կմ հարավ-արևելք՝ ձորի մեջ, գտնվում է Սբ. Գևորգ եկեղեցին։
Հասարակական կառույցներ
2018 թ.-ի դրությամբ գյուղն ունի միջնակարգ դպրոց, երաժշտական դպրոց ,գրադարան, բուժկետ, մանկապարտեզ և կապի հանգույց։[4]
Աքորի գյուղում գործում է ՔՈԱՖ ՍՄԱՐԹ սենյակ, իսկ մանկապարտեզում Հայաստանի մանուկներ բարեգործական հիմնադրամի ջանքերով բացվել է մանկան զարգացման «Արևոտ» անկյուն[5]։
Տես նաև
Ծանոթագրություններ
- ↑ Լոռու մարզի մարդահաշիվ (անգլ.)
- ↑ http://www.caa.am/arm/lg.php?section=COMMUNITIES&id=404
- ↑ «Հայաստանի հանրապետության բնակավայրերի բառարան, էջ 40» (PDF). Վերցված է 2013 Նոյեմբերի 14-ին.
- ↑ «Աքորի». Վերցված է 2013 Նոյեմբերի 29-ին.
- ↑ «Ֆորտունա» ՀԸ, Անահիտ Կարապետյան (Հուլիսի 11, 2017). ««Արևոտ սենյակ Լոռիում»».
{{cite news}}
:|access-date=
requires|url=
(օգնություն); External link in
(օգնություն)|access-date=
Վիքիպահեստն ունի նյութեր, որոնք վերաբերում են «Աքորի» հոդվածին։ |
|