Մելիքգյուղ

Գյուղական համայնք Ծիլքար 40.669444, 44.357540°40′10″ հս. լ. 44°21′27″ ավ. ե.40.669444° հս. լ. 44.3575° աե. ե. Երկիր ՀայաստանՀայաստան Համայնքապետ Աշոտ Խալաթյան Մակերես 28,95 կմ² Բնակչություն 1122 մարդ (2008)

Մելիքգյուղ, գյուղական համայնք ՀՀ Արագածոտնի մարզում։ Մարզկենտրոնից գտնվում է 40 կմ հեռավորության վրա, Ապարանից՝ մոտ 20 կմ հյուսիս-արևելք: Նախկինում ունեցել է Մելիք, Մելիքի գյուղ, Մելիքյանդի, Մելիքենդ անվանումները: Մելիքգյուղ է վերանվանվել 1946-ին:

Աշխարհագրություն

Գտնվում է Ծաղկունյաց լեռների հարավային լանջերին (բարձրությունը՝ 2080 մ): Ունի բարեխառն լեռնային կլիմա: Ձմեռները երկար են և ցուրտ, ամառները՝ տաք, համեմատաբար խոնավ: Առավելագույն միջին ջերմաստիճանը 16-18 °C, նվազագույնը` -6-8 °C: Միջին տարեկան տեղումների քանակը՝ 450-600 մմ:

Բնակչություն

Բնակչության թիվը կազմում է 1153 մարդ: Սեռային կազմը՝ տղամարդիկ 51%, կանայք` 49%: Գյուղն ունի դպրոց, մանկապարտեզ, գրադարան, բուժկետ։

Ժողովրդագրական աճ

Պատմամշակութային հուշարձաններ

Գյուղում կա մեկ եղեցի՝ ս. Հովհաննես եկեղեցին (կառուցված է 19-րդ դարում):

Տնտեսություն

Բնակչությունը հիմնականում զբաղվում է գյուղատնտեսությամբ (դաշտավարություն, բանջարաբոստանային, կերային կուլտուրաների մշակություն, պտղաբուծություն), խոշոր և մանր եղջերավոր անասնաբուծությամբ և թռչնաբուծությամբ:

Գյուղում գործում է արդյունաբերական ձեռնարկություն, որը զբաղվում է բնական ադամանդի վերամշակմամբ:

Տեղական ինքնակառավարում

Համայնքի ղեկավար` Աշոտ Խալաթյան:

Ավագանու անդամների ցուցակ

1. Սպարտակ Սերյոժայի Պետրոսյան
2. Արտյոմ Դերենիկի Գևորգյան
3. Հակոբ Սամվելի Սարուխանյան
4. Գասպար Մանուկի Գասպարյան
5. Ղևոնդ Համլետի Ղևոնդյան
6. Անդրանիկ Պաշտիկի Ասլանյան
7. Անդրանիկ Խանիբեկի Ավետիսյան

Աղբյուր

• Արագածոտնի մարզպետարան