Լեռնապար
|
Լեռնապար
|
||||||||||||||||||||||
Լեռնապարը գյուղ է ՀՀ Արագածոտնի մարզում։ Մարզկենտրոնից 57 կմ հեռավորության վրա: Լեռնապար է վերանվանվել 1978 թվականին:Նախկինում ունեցել է Հայի Փամբ, Հայկական Փամբ, Հայ Փամբ, Յայլա Ղարաքիլիսա, Ղարաքիլիսա Թուրքի անվանումները։
Բովանդակություն |
[խմբագրել] Աշխարհագրություն
Գյուղը տեղադրված է Փամբակի լեռնաշղթայի հարավահայաց լանջին, կանաչապատ հարթավայրում` ծովի մակարդակից 2140 մ բարձրության վրա: Կլիման բարեխառն լեռնային է: Ձմեռները տևական են, ցուրտ, հաստատուն ձնածածկույթով: Ամառները տաք են, համեմատաբար խոնավ: Հուլիսյան միջին ջերմաստիճանը տատանվում է 16-18-ի սահմաններում, հունվարյանը` -6,-8-ի սահմաններում: Մթնոլորտային տարեկան տեղումների քանակը 450-600 մմ: Բնական լանդշաֆտները սուահողային տափաստաններ են: Ունի սառնորակ աղբյուրներ:
[խմբագրել] Բնակչություն
Բնակչության մի մասը եկել է Ախուրյանի շրջանի գյուղերից: Համայնքի բնակչությունը կազմում է 634 մարդ: Սեռային կազմում կանայք և տղամարդիկ ունեն նույն համամասնությունը` կազմելով 50-ական տոկոս: Ունի դպրոց, գրադարան, բուժկետ, կապի հանգույց:
[խմբագրել] Տնտեսություն
Գյուղն ունի 127 տնտեսություն: Համայնքի տնտեսության հիմնական ուղղությունը գյուղատնտեսությունն է: Գյուղատնտեսական հողահանդակների հիմնական մասն ծառայում է որպես վարելահողեր, խոտհարքեր:Գյուղացիները զբաղվում են բանջարաբոստանային, հացահատիկային, կերային կուլտուրաների մշակությամբ: Գյուղատնտեսական համախառն բերքի մեծ մասը բաժին է հասնում անասնաբուծությանը:Գյուղում զբաղվում են խոշոր և մանր եղջերավոր անասնաբուծությամբ:
[խմբագրել] Տեղական ինքնակառավարում
Համայնքի ղեկավար` Մանվել Հարությունյան :
Ավագանու անդամների ցուցակ
- Գևորգ Միշայի Պետրոսյան
- Տիգրան Մանուկի Մարգարյան
- Հովհաննես Արամի Սահակյան
- Բենիկ Ռաֆիկի Հովհաննիսյան
- Գագիկ Վոլոդյայի Թադևոսյան
[խմբագրել] Գյուղի տեսարաններ և տեսարժան վայրեր
-
Լեռնապարի եկեղեցու զարդաքանդակներից
-
Մատուռ Լեռնապարում
-
Հուշարձան Երկրորդ աշխարհամարտում զոհվածներին (1987) Լեռնապարում
-
Լեռնապար գյուղը, հետին պլանում` Ծաղկասար (Գյալինկայա) լեռը
-
Միրոյի լիճը
