Բուրդ

Վիքիպեդիայից՝ ազատ հանրագիտարանից
Բրդի հիմնական աղբյուր հանդիսացող ոչխարները
Բրդի տարբեր տարատեսակներ, ինչպես նաև բրդից պատրաստված նկար

Բուրդ` կենդանիներից` ոչխարից, այծից, ուղտից խուզվող մազածածկը, որն ունի մանվելու հատկություն և որից գործելու կամ թաղիքացնելու միջոցով հնարավոր է տարբեր գործվածքներ պատրաստել: Մազածածկը, որից հնարավոր չէ գործվածք կամ թաղիք պատրաստել, չի պատկանում բրդային հումքին:
Իր ֆիզիկատեխնիկական, տեխնոլոգիական և մեխանիկական համալիր հատկություններով ոչխարի բուրդը համարվում է բարդ կառուցվածքով արժեքավոր հումք: Այն ունի վատ ջերմահաղորդականություն, լավ էլեկտրաջերմամեկուսիչ է, ամուր է, խոնավածուծ է, բաց է թողնում օդը (շնչող է) և ուլտրամանուշակագույն ճառագայթները, օժտված է ներկվելու բացառիկ հատկությամբ և չափազանց հիգիենիկ է:

Արտադրությունը[խմբագրել]

Բրդի տարեկան համաշխարհային արտադրությունը կազմում է մոտավորապես 1.3 միլիոն տոննա:

  1. Ավստրալիա Ավստրալիա: համաշխարհային խուզի 25%-ը (2004/2005թթ. 475 միլիոն կգ չլվացած)
  2. Չինաստանի Ժողովրդական Հանրապետություն Չինաստան: 18%
  3. Ամերիկայի Միացյալ Նահանգներ ԱՄՆ: 17%
  4. Նոր Զելանդիա Նոր Զելանդիա: 11%
  5. Արգենտինա Արգենտինա: 3%
  6. Թուրքիա Թուրքիա: 2%
  7. Իրան Իրան: 2%
  8. Մեծ Բրիտանիա Մեծ Բրիտանիա: 2%
  9. Հնդկաստան Հնդկաստան: 2%
  10. Սուդան Սուդան: 2%
  11. Հարավային Աֆրիկա Հարավային Աֆրիկա: 1%

Արտաքին հղումներ[խմբագրել]