Գոմեշներ

Վիքիպեդիայից՝ ազատ հանրագիտարանից
(Վերահղված է Գոմեշից)
Գոմեշ
Գոմեշներ
Գիտական դասակարգում
Թագավորություն Կենդանիներ
Տիպ Կաթնասուններ
Դաս Երկկճղակավորներ
Կարգ Սնեղջուրավորներ
Լատիներեն անվանում
Bubalus

Wikispecies-logo.svg
Դասակարգումը
Վիքիցեղերում

Commons-logo.svg
Պատկերներ
Վիքիպահեստում





Գոմեշներ, (լատ.՝ Bubalus) ցուլերի հետ կազմում են երկկճղակավորների կարգի սնամեջ եղջյուրավորների ընտանիքի բովինե հատուկ ենթաընտանիքը։ Հայաստանում հայտնի Է գոմեշ ասիականի (Bos bubalus) ընտանի տեսակը։ Գոյություն ունեն վայրի և ընտանի տեսակներ։ Ունեն խոշոր, ծանր մարմին, կարճ պարանոց, հաստ ու ամուր ոտքեր և մեծ գլուխ։ Պոչը երկար է, ծայրամասում՝ վրձնաձև մազափնջով։ Մազածածկը կարճ է և նոսր, տարիքի հետ աստիճանաբար անհետանում է։

Արտաքին կառուցվածք[խմբագրել]

Մարմինը խոշոր Է, կառուցվածքը՝ համաչափ, գլուխը՝ մեծ, ոտքերը՝ հաստ ու ամուր, պարանոցը՝ կարճ, մեջքը՝ ուղիղ, կուրծքը՝ խոր։ Արուների պարանոցի և կրծքավանդակի հատվածում կա մաշկային ծալք՝ «ենթակուրծք»։ Հիմնականում սև են, երբեմն՝ մուգ գորշագույն կամ մոխրագույն, հազվադեպ հանդիպում են ալբինոսներ։ Մազածածկը կարճ Է, նոսր։ Տարիքի հետ մազերն աստիճանաբար թափվում են։ Պոչը երկար Է, ծայրը՝ վրձնաձև մազափնջով։ Եղջյուրները երկար են, կիսաաղեղնաձև, եռաեզր։ Էգերն ունեն 2 զույգ կաթնապտուկ։ Սնվում են խոտաբույսերով։

Հասուն գոմեշի մնդավի միջին բարձրություններում 125-130 (երբեմն՝ մինչև 160-180) սմ Է, իրանի երկարությունը՝ 135 սմ, կրծքի փաթը՝ 190 սմ, կենդանի զանգվածը՝ 450500 կգ։ Կաթնատվությունը բարձր չէ. 600-800 (հազվադեպ՝ 1500-2000) կգ։ Կաթի չոր նյութերը կազմում են 1522%, որից կաթնայուղ՝ 7, 1-10, 5%, սպիտակուցներ՝ 3, 8-5, 2%, շաքար՝ 4- 5, 8%, մոխիր՝ 0, 8-0, 9%։ Հղիությունը տևում է 277-315 օր։

Տարածվածությունը Հայաստնում[խմբագրել]

Հայաստանում սահմանափակ քանակությամբ հանդիպում է Արարատի և Արմավիրի մարզերի գյուղացիական որոշ տնտեսություններում։

Արտաքին հղումներ[խմբագրել]

Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարան ից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png
Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png